Оҕо күүтэр устудьуоннарга босуобуйа кээмэйэ үрдүөҕэ

РФ Бэрэсидьиэнэ Владимир Путин үрдүк уонна идэлээх үөрэх кыһаларыгар үөрэнэр оҕо күүтэр дьахталлар босуобуйаларын тиийинэн олоруу алын кээмэйигэр диэри улаатыннарар туһунан сокуоҥҥа илии баттаата, диэн быраап иһитиннэриитин официальнай портаала иһитиннэрэр.

Докумуон идэлээх үөрэх тэрилтэлэригэр, үрдүк үөрэх тэрилтэлэригэр, эбии идэлээх үөрэх уонна билим тэрилтэлэригэр күнүскү салааҕа үөрэнэр дьахталлар хат буолууга уонна оҕолонууга босуобуйаларын кээмэйин улаатыннарар сыалтан оҥоһулунна.

Билиҥҥи туругунан дьахталлар бу категорияларыгар хат буолууга уонна оҕолонууга босуобуйа ыйга 2-5 тыһ. солк. тэҥнэһэр, оттон уопсайа 9333-тэн 23333 солкуобайга диэри босуобуйаны ылаллар.

Сокуон бу босуобуйаны дьхатар  олорор сиринэн РФ субъектарыгар олохтоммут, үлэлиир кыахтаах нэһилиэнньэ тиийиниэн олоруу алын кээмэйин саҕа улаатыннарар. Сокуон бу сыл балаҕан ыйын 1 күнүттэн күүһүгэр киирэр.