Оҕо массыынаҕа киирэн биэрдэ

Тохсунньу 5 күнүгэр Дьокуускай куоракка, Ярославскай уулуссаҕа, атыы-эргиэн киинин таһыгар оҕо массыынаҕа киирэн биэрбит.

Туманнаах күн 11 саастаах оҕо эһээтин кытта көҥүллэммэт сиринэн уулуссаны туораан иһэн, массыынаҕа киирэн биэрбиттэр. Суол быһылааныгар эмсэҕэлээбит оҕону суһал мэдиссиинискэй көмө массыыната илдьэ баран,  өрөспүүбүлүкэтээҕи 1 №-дээх балыыһаҕа киллэрбиттэр. Оҕо туруга орто ыарахан диэн сыаналаммыт. Оҕону кытта суолу туораан испит эһээтэ балыыһаҕа көрдөрөртөн аккаастаммыт.