Оҕо мунна туохтан бүөлэнэрий, күөмэйэ ыалдьарый?

Кыһын куорат таас дьиэтин курас салгына киһи доруобуйатыгар куһаҕаннык дьайар. Ордук кыра саастаах оҕолор тыынар уорганнарыгар дьайарын туһунан оҕо бырааһа Виктор Краснов быһаарар. Аһары кураанах, салгына суох кыбартыыраҕа хайдах сөпкө тыынабыт?

Салгын тиийбэтиттэн оҕо утуйар уута алдьанар. Оттон утуйар уу иммунитеты кытта ыкса ситимнээх. Уутун хаммат оҕо өрүү настырыанньата, аппетита суох. Сөптөөх битэмиини ылбакка сотору-сотору ыалдьар. Өскөтүн, оҕо мунна сотору-сотору бүөлэнэр, күөмэйэ хатар буоллаҕына, муннугар хааппыла кутарга ыксаамаҥ. Дьиэ иһинээҕи салгыны көрүҥ. Кыбартыыра иһигэр дьиэ кыраадыһа 20-тэн тахсыа суохтаах.  Саамай судургу көмө — дьиэ иһигэр салгыны сиигирдэр (увлажнитель воздуха) диэн тэрил буолар. Ону сэргэ, кыһын буоллун, саас буоллун, кыбартыыраны, мас дьиэни күҥҥэ иккитэ салгылатар наада. Кыһын улахан тымныыга биэс мүнүүтэ устата салгылатыы улаханнык көмөлөһөр.

Маны таһынан, оҕо иһэр уутугар болҕомтото ууруҥ. Сотору-сотору элбэх ууну иһиэхтээх. Аһары халыҥнык таҥнан этин-сиинин үөрэтиэ суохтаах. Киһи сөрүүҥҥэ утуйуохтаах.  Курас салгын — оҕо муннун бүөлэниитин, күөмэйэ ыалдьыытын сүрүн биричиинэтэ. Таһырдьа оҕо айаҕын саарпыгынан тууйа баайымаҥ, халыҥ сон иһинэн сибиитэрэ, ол иһинэн түргэнник куурар сиэккэ футболкалары кэтэрдэр наада. Оҕо көхсө сиигирэр да түгэнигэр, ол хлопок таҥаска иҥэн сылдьарын курдук буолбат.

Кыһыҥҥы кэмҥэ оҕоҕо элбэхтэ С битэмиини иһэрдиҥ.