Оҕо нацизмы реабилитациялыырга буруйданна

Алдан сааһын ситэ илик олохтооҕо нацизмы реабилитацияҕа буруйданар. Бу туһунан СӨ Силиэстийэлиир кэмитиэтэ иһитиннэрэр.

Силиэстийэ дааннайдарынан, 2024 сыл алтынньытыгар эдэр киһи социальнай ситимҥэ аҕыйах киһи көрөр бөлөҕөр Аҕа дойду Улуу сэриитин кэмигэр нацистыы идеологияны тарҕаппыт дьон диэки буолар санаалаах комментарийдары суруйбут.

Кини оҥорбут дьайыыларын ФСБ үлэһиттэрэ көрбүттэр. «Реабилитация нацизма, совершенная с использованием сети «Интернет» диэн ыстатыйанан холуобунай дьыала тэрилиннэ.