Оҕо оонньуур былаһааккатыгар ыты күүлэйдэтэр көҥүллэммэт — ыстараап

Оҕо оонньуур эбэтэр успуорт былаһааккатын, ону таһынан оскуола эбэтэр уһуйаан тиэргэнин иһигэр ыты күллэйдэппит ыт хаһаайына 3 тыһыынча солкуобайга диэри ыстарааптанар.

Бу туһунан РИА Новости ааҕыныстыбаҕа Москва уонна Москва уобалаһын быраабы араҥаччылыыр киинин салайааччыта, юрист Александр Хаминский  иһитиннэрдэ.

Москва мэра Сергей Собянин алтынньы 2 күнүгэр ыты күүлэйдэтии быраабылатын тутуспат буолуу иһин киин куоракка саҥа ыстарааптары олохтуур сокуоҥҥа илии баттаабыта.

«Сүрүн уларыйыы – ыты күүлэйдэтэр бобуллар сирдэрин чопчулааһын буолар. Оҕо оонньуур эбэтэр успуорт былаһааккатын, оскуола эбэтэр уһуйаан тиэргэнигэр ыты күүлэйдэтии быраабыла кэһиитинэн ааҕыллар. Буруйдаахха ыстараап – 3 тыһыынча солкуобайга диэри, оттон юридическай сирэйдэргэ – 30 тыһыынча солкуобайга диэри», – диэн Александр Хаминский кэпсээтэ.

Юрист чопчулаабытынан, сокуон тутуһуллуутун учаастактааҕы боломуочунайдар, ис дьыала уорганнарын үлэһиттэрэ уонна бэтэринээрийэ кэмитиэтэ хонтуруоллуохтара. Онуоха быраабыла кэһиитин ааһан иһэр туоһу дьон эмиэ хаартыскаҕа эбэтэр видеоҕа устан ыытыахтарын сөп. Матырыйааллары «Помощник Москвы» сыһыарыы эбэтэр «Наш город» портаал нөҥүө ыытыахха сөп. Ону таһынан, Хаминскай наморднигы ыттарга кэтэрдэри эмиэ санатта.