Хаартыска: Ил Дархан, бырабыыталыстыба дьаһалтатын пресс-сулууспата.
Саха сиригэр 2009 сылтан “Доруобуйа харыстабыла” национальнай бырайыак чэрчитинэн, «Развитие детского здравоохранения Республики Саха (Якутия), включая создание современной инфраструктуры оказания медицинской помощи детям на период до 2024 года» диэн эрэгийиэннээҕи бырагыраама үлэлиир.
— Улахан болҕомто оҕолорго ууруллар. Бырагыраама көмөтүнэн оҕолорго бастакы мэдиссиинэ-санитарнай көмөнү оҥоруу көрдөрүүтэ тубуста. 2022 сылга 15-17 саастаах оҕолору көрүү 65%-ҥа диэри улаатта. Ону тэҥэ, аан бастаан булуллубут ыарыылаах (уҥуох, былчыҥ систиэмэлэрин, харах, ис-үөс, хаан, эндокриннай систиэмэ ыарыылара) оҕолору диспансерга кэтээн көрүү күүһүрдэ, — диэн доруобуйа харыстабылын министиэристибэтин кылаабынай педиатра Александра Уарова бэлиэтээтэ.
Оҕо поликлиникаларыгар уонна балыыһалар поликлиническай отделениеларын хааччыйыыга болҕомто ууруллар. Манна оҕолорго анаммыт хостор, анал технологиялар, о.д.а. баар буолуохтаахтар. Оҕо поликлиникаларыгар бырааска суруйтарыы, көрдөрүнүү судургутуйар.
— Оҕо поликлиникаларын материальнай-техническэй базаларын тупсарыы, саҥа мэдиссиинискэй тэрилинэн хааччыйыы инники күөҥҥэ турар сорук. 2019 сылтан 30 мэдиссиинэ тэрилтэтигэр оҕо поликлиническай отделениелара хааччылыннылар, 150 анал тэрил (УЗИ аппарааттара, офтальмологическай тэриллэр, электрокардиографтар, эрэнгиэҥҥэ түһэрэр көмпүүтэр томограба) атыылаһылынна. Кэнники 4 сылга 251 исписэлиис үөрэнэн, квалификациятын үрдэттэ, — диэн кылаабынай педиатр эттэ.
Онон эрэгийиэннээҕи бырагыраама оҕолорго хаачыстыбалаах мэдиссиинэ көмөтө тиийимтиэ буоларыгар көмөлөөх.
Ил Дархан, бырабыыталыстыба дьаһалтатын пресс-сулууспата.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…