Уус Алдаҥҥа Тиит Арыы 2 Байаҕантай нэһилиэгэр А.И.Турантаев аатынан бибилэтиэкэҕэ Учууталлар күннэринэн аһаҕас уруоктар ыытылыннылар.
Оскуолаҕа үлэлээбит ытык учууталлары кытары истиҥ көрсүһүү буолла. Саһарбыт хаартыскаларынан «Учуутал идэтин умнубаппыт» диэн ытык учууталлар ахтар-саныыр кэпсээннэрин долгуйа иһиттибит.
Физкултуура учуутала Петр Николаевич Саввин үөрэммит сылларыттан саҕалаан, идэ ылан үлэһит буолбутун, уруоктарын, үөрэппит оҕолорун күрэхтэһиилэрин кэпсээтэ, хаартыскалары көрдөрдө. Салгыы тэрээһин кыттыылаахтарыгар физкултуура уруогун ыытта уонна күрэхтэһии бэртээхэйин тэрийдэ.
Бу күн эмиэ урукку хаартыскалары көрдөрө-көрдөрө Мария Михайловна Бурцева истиҥ ахтыытын оҥордо. Кини нуучча тылын учууталынан таһаарыылаахтык үлэлээбитэ. Оччотооҕу кэмнэри, уруоктары, тэрээһиннэри, кылаас чаастарын сырдаппытын сэргээн иһиттибит.
Бу күн мустубут дьон оҕо сааспыт дьоллоох кэмнэрин ахтыстыбыт, сүүрбүт-көппүт, чуораан тыаһа чугдаарбыт кыһабытын санаатыбыт, үөрэппит-такайбыт учууталларбытыгар махтанныбыт. Дьоллоох оҕо сааспытыгар эргиллэн ыллыбыт.
Матрена Аргунова, бибилэтиэкэр.
Хаартыскаларга Альбина Константинова, Матрена Аргунова түһэриилэрэ
Федеральнай суоллары тэҥэ эрэгийиэннээҕи, муниципальнай суолларга үлэ эмиэ тэтимнээхтик барар. Бу туһунан быһа эпииргэ Ил…
Быйыл Томпо оройуонун Кириэс Халдьаайы бөһүөлэгин эргин тыатааҕы элбээтэ дииллэр. Уонча хонуктааҕыта пиэрмэҕэ кырдьаҕас таарыйбытын…
Чурапчы улууһугар сайыҥҥы үүттүгэннээх ыйдары баттаһан, үүтү туттарыыга күүскэ туруннулар. Ол курдук, улуус 15 нэһилиэгэ…
Соторутааҕыта Дьокуускай куораттан аһаҕас халлаан анныгар турар Д.К. Сивцев-Суорун Омоллоон аатынан Чөркөөхтөөҕү политсыылка түмэлигэр культурологическай…
Куттал суох буолуутун миэрэлэрэ ылыллыахтара. Бу туһунан Ил Дархан Айсен Николаев быһа эпииргэ бэлиэтээтэ. "Кэлиҥҥи…
Бэс ыйын 21 күнүгэр Волгоградка Мамаев курганыгар Улуу Кыайыы 80 сылынан "Өйдөбүнньүк бастионнара" бырайыак бастакы…