Хаартыска: Мария Васильева, СИА.
Саха сиригэр оҕо сайыҥҥы сынньалаҥын уонна доруобуйатын чэбдигирдиини тэрийии боппуруоһунан дьарыктанар биэдэмистибэлэр икки ардыларынааҕы хамыыһыйатын бэрэссэдээтэлин солбуйааччы, Үөрэх уонна билим миниистирэ Нюргуна Соколова салайыытынан мунньах буолан ааста.
Күн бүгүн муниципальнай тэриллиилэр уонна куорат уокуруктара, быйыл сайын оҕо сынньалаҥын уонна доруобуйатын чэбдигирдиини тэрийэри былаанныыр тэрилтэлэр испииһэктэрин оҥоро сылдьаллар. Лааҕырдар испииһэктэрин 2024 сыл ыам ыйын 1 күнүгэр диэри түмэн бүтэриэхтээхтэр.
Ону таһынан, муниципальнай тэриллиилэр уонна куорат уокуруктарын баһылыктарын кытта быйыл оҕо сынньалаҥын тэрийиигэ олохтоох бүддьүөккэ өрөспүүбүлүкэ хааһынатыттан субсидия көрүллүүтүгэр сөбүлэҥ түһэрсэллэр.
Бүтүн Арассыыйатааҕы “Океан”, “Смена”, “Артек” оҕо кииннэригэр 459 путевкаҕа федеральнай кииннэри кытта сөбүлэҥҥэ илии баттаспыттар.
Норуоттар икки ардыларынааҕы “Артек” оҕо киинигэр төрөппүттэртэн (сокуоннай бэрэстэбиитэллэртэн) сайабылыанньаны Артек.дети портал сигэтинэн ылаллар: https://ais.artek.org/listview/RequestNew.
Бүтүн Арассыыйатааҕы “Океан” оҕо киинигэр путевка “Путевка” автоматизированнай информационнай систиэмэтин нөҥүө бу сигэнэн көрүллөр https://okean.org/putevka/aiskud.
Бүтүн Арассыыйатааҕы “Смена” оҕо киинигэр путевка “Путевка” автоматизированнай информационнай систиэмэ нөҥүө бэриллэр https://ais-smena.pba.su/listview/Shift.
Бүтүн Арассыыйатааҕы «Орленок” оҕо киинигэр путевкалары “Путевка” автоматизированнай информационнай систиэмэтинэн көрөллөр https://center-orlyonok.ru/RU/Content/HowGetVoucherSimplePage.
Айар дьоҕур, ускуустуба, успуорт, оҕо хамсааһынын эйгэтигэр ситиһии иһин элбэх баалы ылбыттар; өрөспүүбүлүкэ таһымнаах тэрээһиннэргэ, олимпиадаларга, куонкурустарга уонна бэстибээллэргэ кыайбыт оҕолор путевканан бэлиэтэнэллэр.
Төрөппүттэр, сокуоннай бэрэстэбиитэллэр, оҕо сайыҥҥы сынньалаҥын тэрийии бары боппуруостарынан СӨ Үөрэҕин уонна билимин министиэристибэтин “горячая линия” төлөпүөнүнэн билсиэххитин сөп — 88005501421.
Ил Дархан уонна Бырабыыталыстыба пресс-сулууспата.
Хатастааҕы «Ситим» айымньы дьиэтин үлэһиттэрэ 8-с №-дээх Хатас сэлиэнньэтин баһаарынай чааһын баһаары утары сэрэтэр үлэҕэ…
Саха сиригэр оҕону 1,5 сааһыгар диэри көрөн, үлэлээбэккэ олорор 574 киһи ый аайы төлөнөр босуобуйаны…
Саха сиригэр Ил Дархан ыйааҕыгар уонна атын нуорма аахталарыгар олоҕуран, байыаннай сулууспалаахтарга – анал байыаннай…
Саха сирин бырабыыталыстыбатын бэрэссэдээтэлин бастакы солбуйааччы Дмитрий Садовников сарсыарда ыам ыйын 20 күнүгэр Саха сиригэр…
Өлүөнэ өрүскэ муус Уус Алдан, Нам, Кэбээйи улуустарынан барар. “Нам улууһугар халаан уутун содулун туоратар…
Ааспыт нэдиэлэҕэ улахан уу кэлэн «Нам» айан суолугар халыйан тахсан харгыстыы сырытта. Өлүөнэ өрүс уута…