“Оҕо сүрүн ырыалара” бырайыак аныгы оҕоҕо ордук чугас

Арассыыйаҕа “Оҕо сүрүн ырыалара” айар бырайыак күүскэ сайдар. Бэрэсидьиэн култуура көҕүлээһиннэригэр пуондатын өйөбүлүнэн Кыайыы мусуойа олоххо киллэрэр бырайыагар үүнэр көлүөнэҕэ анаммыт аныгы муусука, анимация уонна дьоһун өй-санаа түмүллэллэр. Аныгы ааптардар суруйбут айымньыларын оҕолор толороллоро бырайыагы ордук истиҥ уонна оҕо аудиториятыгар чугас оҥорор.

Түөрт сыл иһигэр бырайыак дойдуттан барытыттан 4000 кэриҥэ эдэр вокалиһы түмтэ. Бу кэм устата айыллыбыт 62 ырыа түөрт мусукаалынай альбомунан таҕыста. Ону Куйаар ситимигэр 100 мөлүйүөнтэн тахса киһи иһиттэ. Ырыалары кытта 46 сиэрийэттэн турар анмационнай сэрийээл оҥоһулунна.

Бырайыак хас биирдии килиибэ –  өйдөбүнньүк, махтал, дьиэ кэргэн, доҕордоһуу уонна төрөөбүт дойдуга таптал туһунан  өйдөнөр уонна аныгы тылынан кэпсэнэр  кылгас устуоруйа. Бырайыак ураты сыаннаһынан бу контены оҕолор оҕолорго анаан оҥороллоро буолар.

«Бу  — ааспыт уонна билиҥҥи кэм икки ардыларыгар далаһа.  Контент оҕолор Кыайыыны сыаналыылларыгар уонна кырдьыгы харыстыылларыгар көмөлөһөр”, — диэн бырайыак продюсера Кристина Шкодкина этэр.

Бырайыакка бииргэ үлэлэһээччилэр: байыаннай дьайыы кыттыылаахтарын өйүүр “Дойдуну көмүскээччилэр” судаарыстыбаннай пуонда, “Оҕо араадьыйата” араадьыйа ыстаансыйата, “Мульт уонна Муусука” тэлэбидиэнньэ ханаала. Бырайыакка киирбит ырыалары уонна сэрийээли https://главныедетскиепесни.рф. саайтка билсиэххэ сөп.

СӨ Ил Дарханын уонна бырабыыталыстыбатын пресс-сулууспата