Балыыһаҕа уксууһу испит оҕону киллэрдилэр

Өрөспүүбүлүкэ үрдүнэн буруйу оҥоруу биэс түгэнэ бэлиэтэннэ.

Ол курдук Дьокуускай куоракка 1959 сыллаах төрүөх дьахтар билбэт киһитин ыйыытынан төлөпүөнүгэр сыһыарыы хачайдаабыт, ол түмүгэр киниттэн 285 тыһ.солкуобайы уорбуттар. Маны сэргэ дьиэ подъеһыттан 50 тыһ.солкуобай суумалаах көлүөһэлэри (шины) уорбуттар. Инвестициянан харчыны элбэтиэххэ сөп диэн албыҥҥа киирэн биэрэн, Дьокуускай уонна Хаҥалас улууһун олохтоохторо 500 тахса тыһ.солкуобайдарыттан мэлийбиттэр. Ленскэй оройуонугар 2016 сыллаах ВАЗ массыынаны сымыйанан регистрациялааһын биллибит, массыынаны автостоянкаҕа илдьибиттэр. Бэрэбиэркэ барар. Мииринэй улууһугар 2022 с.т. оҕо уксууһу иһэн айаҕын, куртаҕын сиэтэн балыыһаҕа киирбит.

Бүтэһик сууккаҕа арыгы иһэн баран уруулга олорбут сэттэ киһи тутуллубут.