Хаартыска: Ил Дархан телеграмыттан.
Дьокуускай куораттааҕы оҕо ускуустубатын оскуолата ханна да көспөт, оннугар хаалар буолбут. Ити туһунан быһаарыыны бүгүн Ил Дархан Айсен Николаев ылыммыт. Ол туһунан бэйэтин телеграм-каналыгар иһитиннэрдэ.
— Суолталаах быһаарыылары өрүү дьону кытта ырытыһар уонна кинилэр санааларын учуоттаан ылынар ирдэнэр. Миигин кытта Бүтүн Арассыыйатааҕы норуот фронун эрэгийиэннээҕи салаатын бэрэстэбиитэллэрэ уонна 1-кы нүөмэрдээх оҕо ускуустубатын оскуолатын үөрэнээччилэрин төрөппүттэрэ сибээстэспиттэрэ. Кинилэр оскуола 202-с түөлбэҕэ баар “Бригантина” дьиэтигэр көстөҕүнэ олохсуйбут үөрэх хаамыыта кэһиллиэн сөп диэн айманалларын биллэрбиттэрэ.
Бүгүн буолбут ырытыһыы кэнниттэн Оҕо ускуустубатын оскуолатын уонна Оҕо уус-уран оскуолатын Ярославскай уулуссаҕа билигин турар сиригэр хаалларарга быһаарыы ылынным. Филармония көстөҕүнэ иллэҥсийэр миэстэни куорат салгыы туһанарын хааччыйан муниципальнай бас билиигэ биэрэр ирдэнэр.
Маныаха аныгы ирдэбилгэ сөп түбэһэр “Патриот” киин “Бригантинаҕа” тэриллиэхтээх. Арассыыйа Бэрэсидьиэнэ Владимир Путин дойду норуоттарын холбуур идиэйэ быһыытынан патриотизмы бэлиэтээбитэ. Биһиги бу хайысхаҕа улахан болҕомтону уурарбыт даҕаны, ууруохпут даҕаны, – диэн Ил Дархан бэйэтин телеграмыгар суруйар.
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…
Олохтоох киһи көҥүллүүр докумуона суох, Эбээх сэлиэнньэтиттэн 30 км тэйиччи Талыкаан диэн сиргэ үс кыыл…
Дьокуускайга хас да сүүс кыттааччыны түмпүт култуура волонтердарын өрөспүүбүлүкэтээҕи пуорума ыытыллар. Тэрээһин 2020 сыл кэнниттэн…