Хаартыска: ЯСИА
Бүгүн, олунньу 26 күнүгэр, Ил Түмэн 11-с пленарнай мунньаҕар норуот дьокутааттара «Саха Өрөспүүбүлүкэтигэр оҕо төрөөһүнүнэн уонна иитиитинэн сибээстээн ыйдааҕы босуобуйа төлөбүрүн туһунан» сокуон барылын бүтэһиктээх ааҕыыга бигэргэттилэр уонна федеральнай сокуоннарга сөп түбэһиннэрэн ылыннылар.
Бу сокуон барыла 2024 сыл алтынньы 29 күнүнээҕи 367-ФЗ №-дээх Федеральнай сокуон 2 ыстатыйатыгар олоҕуран оҥоһулунна, онно 1995 сыл ыам ыйын 19 күнүнээҕи 81-ФЗ №-дээх «Оҕолоох гражданнарга судаарыстыба көмөтүн туһунан» федеральнай сокуон 9 ыстатыйатын бэһис чааһыгар уларытыылар киирбиттэрэ. Билигин оҕо төрөөһүнүгэр уонна иитиитигэр ананар ыйдааҕы босуобуйаны быһаарарга (биир кэлим босуобуйа), сайабылыанньа биэрээччи уонна кини дьиэ кэргэнин үлэтиттэн, урбааныттан уонна да атын көрүҥнээх дьарыктарыттан киирэр дохуоттара учуоттанар буолуоҕа.
Саҥа быраабыла быһыытынан, биир кэлим босуобуйаны ыла сылдьар дьиэ кэргэн 2025 сыл тохсунньу 1 күнүттэн саҕалаан, төлөбүрү ылыыга биэрэр докумуоннара судургутуйда. Босуобуйа ылар дьиэ кэргэн наадыйыыларын толору сыаналааһын наадата суох буолла, урукку төлөммүт кэмҥэ уонна оннук суума бэриллиэҕэ. Төлөбүр эрдэ анаммыт босуобуйа болдьоҕор оҥоһуллуоҕа, ол бүппүтүн кэннэ, оҕолорго барыларыгар биирдэ саҥа сайабылыанньаны биэриэххэ наада буолуо.
Ол курдук, 2025 сылтан саҕалаан, бары оҕолорго биир босуобуйаны ылыы болдьохторо бииргэ оҥоһуллуохтара, бары оҕоҕо биир кэмҥэ сайабылыанньа бэриллиэ.
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…