«Оҕобун уорбуттар» диэн федеральнай ханаалга кэпсээтэ

Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн силиэдэбэтэллэр бэрэбиэркэни ыыттылар.

2008 сыллаахха төрүүр дьиэҕэ бу дьахтарга «оҕоҥ өлбүт» диэн эппиттэр. Бу кэлин докумуоннары үөрэтэн көрөн баран, дьахтар сөп түбэспэт өрүттэри булан көрбүт. Онон «оҕобун уорбуттар, сыыһа  докумуоннары биэрбиттэр» диэн этэр.

Силиэстийэлиир кэмитиэт Саха сиринээҕи  силиэстийэлиир управлениета бу боппуруоһунан бэрэбиэркэ ыытта. Эспиэрдэр чинчийбиттэринэн, бу дьахтар көмүллүбүт оҕо дьиҥнээх биологическай ийэтэ буолара билиннэ.

Силиэстийэлиир кэмитиэт салайааччыта Саха сиринээҕи силиэстийэлиир управление салайааччыта В.В. Кондратенкоҕа процессуальнай бэрэбиэркэ түмүгүн туһунан дакылааты киллэрэргэ соруйда.