Оҕоҕо дьыссаакка чэпчэтии көрүллэр дуо?

Быстах хомуур тохтообутун да иһин, хомуурга барбыт дьонноохтор интэриэһиргиир ыйытыылара үгүс.

—  Оҕо төрөөбүтүн туһунан сибидиэтэлистибэтигэр ыйыллыбыт аҕата хомуурга хапсыбыта. Оҕо ийэтин кытта ыал буолбатахтара. Оҕоҕо дьыссаакка чэпчэтии көрүллэр дуо?

Ыйытыыга Объясняем.рф саайтан хоруйу таһаарабыт:

— Көрүллэр. Байыаннай сулууспалаахтар оҕолоругар кинилэр дьиэ кэргэттэрэ олорор сирдэринэн судаарыстыбаннай уонна муниципальнай оскуола иннинээҕи үөрэх тэрилтэлэригэр уонна сайыҥҥы чэбдигирдэр лааҕырдарга миэстэ бастакы уочарат бэриллэр. Бу ыйытыыга тохтоотоххо, оҕо чэпчэтиинэн туһанар, тоҕо диэтэххэ байыаннай сулууспалаах оҕото буолар. Ону төрөөбүтүн туһунан сибидиэтэлистибэтэ туоһулуур.

Хаартыска: тустаах саайтан.