Людмила Попова хаартыскаҕа түһэриитэ.
Саха тылын, литэрэтиирэтин, култууратын учууталларын үһүс сийиэһигэр дакылаат биир – ол үөрэх уонна билим миниистирэ Нюргуна Соколова дакылаата. Онон сүрүн мунньах бэрт сэргэхтик, аныгы халыыбынан ааста диэн бэлиэтиир оруннаах.
Миниистир, быйылгы үһүс сийиэскэ диэри үлэ барбытын, хамсааһын тахсыбытын бэлиэтээтэ. Оҕолорго аналлаах “Тооку” ханаал тэриллибитин, быйыл 86 сахалыы эйгэлээх оҕо лааҕыра үлэлээбитин, 100 уһуйааны, 100 оскуоланы саха тылын, литэрэтиирэтин кэбиниэтинэн хааччыйбыттарын кылгастык билиһиннэрдэ.
“Иккис сийиэс түмүгүнэн 36 пууннаах былаан ылыныллыбытыттан, бүгүҥҥү туругунан 86 бырыһыана туолла.
Бастакынан, саха тылын, литэрэтиирэтин, култууратын Кэнсиэпсийэтэ оҥоһуллан, 2023 сыллаахха бигэргэтиллэн, 2030 сылга диэри сирдэтинэр туһааннаах докумуоннаахпыт. Ил Дархан Айсен Сергеевич Николаев 2024 сыллааҕы Анал туһаайыытыгар Кэнсиэпсийэ олоххо киириитин хааччыйыахтаахпыт диэн сорудах биэрбитэ” – диэн эттэ.
Иккиһинэн, Саха Өрөспүүбүлүкэтигэр этно-култуурунай үөрэхтээһин туругун кэтээн көрүү сүрүн хайысхалара, ис бараана оҥоһуллубут. Бу түөрт хайысхаттан турар. Быйыл 2025 сылга кэтээн көрүү бастакы түһүмэҕэ саҕаламмыт. Барыта 1340 үөрэх тэрилтэтин 86% хабыллыбыт.
Эһиил кэтээн көрүү иккис түһүмэҕэ ыытылларын ыйда. Манна оҕо төрөөбүт тылы үөрэтии бырагырааматын төһө иҥэриммитин кэтээн көрүөхтэрин эттэ. “ФГОСка олоҕуран, хас биирдии биридимиэккэ Бүтүн Арассыыйатааҕы бэрэбиэркэлиир үлэ ыытыллар. Итинник көрүҥ саха тылыгар, литэрэтиирэтигэр эмиэ баар, 9-с уонна 11-с кылаастарга ыытыллар этилэр. 4, 6, 7, 8, 10-с кылаастарга өрөспүүбүлүкэтээҕи кэтээн көрүү үлэлэрэ тэриллэр буоллулар” – диэн иһитиннэрдэ. Бу учууталларга, үөрэнээччилэргэ, үөрэх тэрилтэлэригэр, идэ таһымын үрдэтиигэ – барытыгар эргиччи туһалаах, үтүө түмүктээх буолуоҕун бэлиэтиир.
Үсүһүнэн, алын кылаастарга төрөөбүт тылы, литэрэтиирэни үөрэтэргэ барыта 15 кинигэлээх кэмпилиэк оҥоһуллубут. Сийиэс дэлэгэгээттэрин кэккэтигэр 29 ааптар-учуутал баар эбит. Эһиил 5-9 кылаастарга аналлаах, онтон салгыы 10-11 кылаастарга уонна орто анал үөрэх тэрилтэлэригэр үөрэх кинигэлэрин оҥорору былаанныыллар.
Быйылгы сийиэс түһүлгэлэригэр үлэни сиһилии кэпсэтэн, былааннаан, түмүк докумуоҥҥа киллэриэхпит диэн эттэ.
Ньурбатааҕы ИДьМ дьуһуурунай чааһыгар дьахтар кыһыл көмүс киэргэллэрин уордарбытын туһунан иһитиннэрбит. Бу туһунан СӨ ИДьМ…
Росреестр дроннары туһанан сир учаастактаах дьону хонтуруоллуур уонна ыстарааптыыр былааннаах диэн «Коммерсант» иһитиннэрэр. «Учаастак хаһаайыттарыгар…
Бүгүн киин куоракка саха тылын уонна литэрэтиирэтин учууталларын үһүс сийиэһигэр өрөспүүбүлүкэ бары оскуолаларыттан бэрт элбэх…
Сэтинньи 16 күнүгэр Алдан куоратын Молодежнай уулуссатыгар турар элбэх кыбартыыралаах дьиэтин олохтооҕо ыаллыы олорор кыбартыыраларыттан…
Бүгүн, сэтинньи 25 күнүгэр, Саха Өрөспүүбүлүкэтигэр Олоҥхо күнэ бэлиэтэнэр. Бу күн Б.Ойуунускай аатынан Саха тыйаатыра…
Саха тылын, литэрэтиирэтин, төрүт култуура учууталларын өрөспүүбүлүкэтээҕи үһүс сийиэһин дэлэгээттэрэ бүгүн Былатыан Ойуунускай аатынан саха…