Оҕоҕо психолог көмөтө наадатын хайдах билиэххэ?

Ардыгар оҕо майгыта-сигилитэ уларыйар, онуоха төрөппүттэр туох буолбутун кыайан өйдөөбөттөр.

Оҕо урукку эйгэтин эмискэ уларытыы (холобур, атын сиргэ көһүү), саҥа оскуола эбэтэр уһуйаан, кыра быраат эбэтэр балты төрөөһүнэ, төрөппүттэр арахсыылара оҕо уйулҕатыгар күүскэ дьайаллар.

Төрөппүт дьиксиниэхтээх түгэннэрэ:

• -Майгыта-сигилитэ уруккутунааҕар атын, настарыанньата сотору-сотору уларыйар;
• — туохха да наадыйбат эбэтэр туохтан эрэ куттанар курдук буолар;
• -куһаҕаннык утуйар, аһаабат уонна тус гигиена быраабылаларын тутуһартан аккаастанар;
• -төрүөтэ суох куттанар, чуҥкуйар;
• -арыт кыра оҕотугар түһэн хаалар;
• -үөрэҕэр мөлтүүр.

Оҕо араас сааһыгар уларыйар кэмигэр киниэхэ кыһамньы уонна болҕомто хаһааҥҥытааҕар  да наада. Үксүгэр 1, 3, 7 уонна обургу саастарыгар оҕо майгыта-сигилитэ уонна тулалыыр эйгэтин ылыныыта  күүскэ уларыйар. Ол иһин, кини төрөппүттэрэ өйдүү охсубаттарын курдук быһыыланыан сөп.

Оҕолоргутугар итэҕэйиҥ, кинилэри кытары куруук кэпсэтэ, сэһэргэһэ сылдьыҥ, тугу кэпсииллэрин сэҥээрэн истиҥ.

Ол гынан баран, баар балаһыанньаны бэйэҕит кыайан уларыппаккытын билэр буоллаххытына, психолог өҥөтүнэн туһаныахха сөп.

Мэдиссиинэ булгуччулаах страховкатынан уйулҕа үлэһитин өҥөтүнэн оҕо күүтэр дьахталлар, соторутааҕыта оҕоломмут ийэлэр, олох ыарахаттарыгар түбэспит дьиэ кэргэттэр уонна кинилэр оҕолоро туһаныахтарын сөп. Исписэлиискэ барар кумааҕыны (направлениены)  поликлиникаҕыт педиатра эбэтэр терапеба биэрэр.

Ону таһынан үгүс эрэгийиэҥҥэ куорат сулууспалара үлэлииллэр.