Ааспыт сыл сэтинньи саҥатыгар Дьокуускай куорат Жорницкай уулуссатыгар ыт оҕоҕо саба түһэн улаханнык эчэппитэ. Оҕо төбөтүгэр 12 тигиини оҥорбуттара.
Ол түүн бэйдиэ ыттары тутар сулууспа үлэһиттэрэ оҕоҕо саба түспүт ыкка майгынныыр ыты туппуттара. Туппут ыттара бэйдиэ сылдьар уулусса ыта буолбатаҕа биллибитэ. Инньэ гынан, хаһаайыны көрдүүр аакка барбыттара. Кэлин эмсэҕэлээбит оҕо ийэтэ социальнай ситимҥэ атын ыты туппуттарын туһунан иһитиннэрбитэ.
— Туппут ыттара майгынныыр, ол эрээри атын ыт. Оҕобун кытта күн аайы бэрэбээскилэтэ диэн балыыһаҕа таксинан барабыт. Оҕом уйулҕа өттүнэн улахан охсууну ылла. Мин санаабар, ыты тутуунан дьарыктанар сулууспа үлэтин кыайбат, ол иһин күрүлүүр күнүс оҕобор ыт саба түстэҕэ.
Дьокуускай куорат борокуратуурата сааһын ситэ илик оҕоҕо моральнай хоромньуну төлүүрүгэр суут нөҥүө ирдэбил түһэрбитэ. Борокуруор ирдэбилинэн, Дьокуускай куорат дьаһалтатыттан уонна куорат хаһаайыстыбатын көрөр-истэр сулууспатыттан эмсэҕэлээбит оҕоҕо 300 тыһыынча солкуобайы төлүүр туһунан ирдэбили суут көрдө.
Бэлиэтээн суруйдахха, Саха сиригэр бэйдиэ сылдьар ыттартан оҕо-дьахтар сыллата эмсэҕэлиир. Билигин сотору саас буолан ыттар эмиэ үөрдэһиэхтэрэ. Аныгы үйэҕэ ыттан, аттан эмсэҕэлиир ама иэдээн буолбатах дуо?
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…