Ульяна Захарова хаартыскаҕа түһэриитэ
Бу соторутааҕыта Дьокуускай куорат Богдан Чижик аатынан уулусса 30/1 аадырыска бэйдиэ сылдьар ыттар оҕоҕо саба түһэ сыспыттар. Бэйдиэ ыттары тутар биригээдэ бу аадырыска кэлбитигэр, зоозащитниктар мэһэйдэһэн, айдааран биригээдэ үлэтин толорторботох.
Дьокуускай куорат Промышленнай уокуругун салайааччы солбуйааччыта Семен Иванов иһитиннэрбитинэн, маннык быһыы-майгы бастакытын буолбатах эбит. Ыты көмүскэһээччилэр (зоозащитниктар) бэйдиэ ыттары тута кэлбит биригээдэҕэ өрүү мэһэйдэһэллэр эбит:
— Төһө киһи да, оччо санаа баар. Бэйдиэ ыттартан оҕолору көмүскүүбүт диэн быһаара сатыыбыт, ол эрээри ыты көмүскэһээччилэр истибэттэр. Хайдаҕын да иһин кутталынан суоһуур ыттары тута син биир кэлиэхпит, — диэн этэр Семен Иванов.
Социальнай ситимҥэ ыттары көмүскэһээччилэр уонна куорат олохтоохторун икки ардыгар айдаан тахсыбыт. Ол быыһыгар сыллата суол саахалыгар, дьон илиититтэн киһи бөҕөтө өлөрүн, эчэйэрин аахпыттар. Ыттартан сылтаан айдаан таҕыста даҕаны кыыллары аһыммакка тутар, өлөрөр айдааннааххыт диэбиттэр.
Санатар буоллахха, сыл ахсын бэйдиэ сылдьар ыттартан оҕо-дьахтар эмсэҕэлиир. Ону сэргэ, ыт иигэ-сааҕа оҕо былаһааккаларын, куорат уулуссаларын киртитэн ыарыыны да тарҕатыан сөп.
Өрөспүүбүлүкэ борокуруора Сергей Дябкин СӨ Бэтэринээрийэ департаменын урукку салайааччытыгар тэриллибит холуобунай дьыаланан буруйдуур түмүгү бигэргэттэ.…
Ааспыт өрөбүл күннэргэ Дьокуускайга эчэйиитэ суох 15 суол быһылаана бэлиэтэннэ. Бу туһунан киин куорат ГАИ…
2025 сылга араас таһымнаах быыбардарга байыаннай дьайыы 890 кыттыылааҕа мандааттаах туппут. Бу туһунан «Биир ньыгыл…
Бүгүн, ахсынньы 16 күнүгэр, Дьокуускайга 1–8-с кылаас үөрэнээччилэригэр актированнай күн биллэрилиннэ. Бу туһунан киин куорат…
Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр. Эдьигээн улууһугар сөкүүндэҕэ 9-14…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…