Үлэ уонна социальнай сайдыы миниистирин солбуйааччы Елена Теплякова быһа сибээскэ тахсан, Ийэ сылын түмүгүн, оҕолоох ыалга көрүллэр босуобуйа, 2023 сылга өрөспүүбүлүкэҕэ биллэриллибит Үлэ сылын соруктарын билиһиннэрдэ, көрөөччүлэр ыйытыыларыгар хоруйдаата.
2023 сыл тохсунньутуттан тиийинэн олоруу алын кээмэйиттэн кыра дохуоттаах оҕолоох ыалга биир кэлим босуобуйа киирэр. 2018 сылтан араас өйөбүллэр бааллар.
“Дойду бэрэсидьиэнин сорудаҕынан оҕолоох ыаллары өйүүр биир кэлимсэ систиэмэни киллэрэн эрэр. Онон 2023 сыл тохсунньутуттан ыал дохуота тиийинэн олоруу алын кээмэйиттэн намыһах буоллаҕына 0-17-гэр диэри оҕолорго уонна хат дьахталларга босуобуйа төлөнүөҕэ. Манна ыал дохуота, баайа-дуола, дьиэ кэргэн үлэҕэ кыаҕа учуоттаныаҕа. Кээмэйэ ыал орто дохуотуттан тутулуктанан 50%, 75%, 100% тэҥнэһиэҕэ, — диэн миниистири солбуйааччы иһитиннэрдэ.
Сайабылыанньаны тохсунньуттан саҥа тэриллэр РФ Биэнсийэҕэ, социальнай страховкалааһыҥҥа холбоһуктаах пуондатыгар биэриэхтэрин сөп диэн быһаарда.
Манна даҕатан эттэххэ, туһааннаах министиэристибэнэн оҕолоох ыалга анаан 2012 сыллаахха 1 млрд. 900 мөл. солк. эбит буоллаҕына, 2023 сылга 27 млрд. 100 мөл. солк. үбүлээһин көрүллүбүт. Бу курдук өйөбүл миэрэлэр баар буолан оҕо төрөөһүнэ үрдүү турарын этэр. Ол курдук, Саха сирэ оҕо төрөөһүнүнэн Уһук Илиҥҥэ бастакы, Арассыыйаҕа сэттис миэстэҕэ сылдьар.
Ахсынньы 29 күнэ. Ил Дархан Мэҥэ Хаҥалас улууһугар үлэлээтэ. Аллараа Бэстээххэ учаастактааҕы балыыһа саҥа дьиэтэ…
Саха саныырынан, утуйар уу араастаах. Сылбай уу кэмэ -- киэһэ сыппыт кэннэ түүн үөһүгэр диэри.…
Хатас нэһилиэгэ сыллааҕы үлэни-хамнаһы түмүктүүр киэһэтэ буолан ааста Сылы түмүктүүр, ааспыты анаарар, буолбуту ырытар ахсынньы…
Өрөспүүбүлүкэҕэ биир саамай кэрэ кэргэннии паараларынан Айталина уонна Вячеслав Лаверновтар буолаллар. Томпо уонна Амма Кэрэ…
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Атамайга элбэх хайысхалаах кииҥҥэ сэргэх тэрээһин буолла. Тэрээһин бастакы чааһыгар Атамай нэһилиэгин түөлбэлэригэр бастыҥнары чиэстиир…