Хаартыска: Үлэ, социальнай сайдыы министиэристибэтэ.
Былырыын оҕолоох дьиэ кэргэттэри өйүүргэ 29 миллиард солкуобай көрүллүбүтэ. Өрөспүүбүлүкэҕэ бу сыалга көрүллэр үбүлээһин улаатыыта Арассыыйа бэрэсидьиэнэ Владимир Путин көҕүлээһиннэринэн ситиһилиннэ.
СӨ Үлэҕэ, социальнай сайдыыга министиэристибэтин иһитиннэриитинэн, өрөспүүбүлүкэҕэ оҕолоох ыаллар олохторун таһымын тупсарыыга, дьиэ кэргэн институтун бөҕөргөтүүгэ, элбэх оҕолонор үгэһи тарҕатарга туһуламмыт социальнай өйөбүл 50-тан тахса араас көрүҥэ баар. 2019 сылтан ыла өрөспүүбүлүкэҕэ дьиэ кэргэни өйөөһүн үбүлээһинэ сэттэ төгүл улаатан, 2024 сылга 29,2 млрд. солк. тэҥнэстэ.
Оҕо төрөөбүт дьиэ кэргэттэригэр үбүнэн көмөнү оҥорор бырагыраамалартан биирдэстэринэн Айсен Николаев олохтообут «100 сыл оҕолоро» бырагыраамата буолар. Төлөбүрдэр оҕо төрөөбүтүн туһунан сибидиэтэлистибэҕэ олоҕуран, социальнай уорганнарга тус сайабылыанньа биэриитэ суох, быһа бэриллэллэр. Бу өйөбүл миэрэтэ өрөспүүбүлүкэ «Дьиэ кэргэн» ийэ хапытаалын ситэрэр, 2025 сыл тохсунньу 1 күнүттэн төрдүс уонна онтон кэлэр оҕолору хабар гына кэҥэтиллибитэ.
2025 сылга «Үйэ оҕолоро» хапытаал суумата — 116 756 солк. Сыл саҕаланыаҕыттан 800-тэн тахса ыал бу хапытаалы ылла.
Сыл саҕаланыаҕыттан өрөспүүбүлүкэҕэ элбэх оҕолоох ыалларга босхо сир учаастагын оннугар бэриллэр төлөбүр 300 тыһыынча солкуобайга диэри улаатта. Итини тэҥэ, бу төлөбүрү туһаныы хайысхалара биллэ кэҥээтилэр.
Онон бу төлөбүрү ылааччы ахсаана былырыыҥҥытааҕар икки төгүл элбээтэ. Сыл саҕаланыаҕыттан 2000 кэриҥэ элбэх оҕолоох ыал сир учаастагын оннугар бу харчынан төлөбүрү туһанна. Уопсайа, бу бырагыраама олоххо киирбит үс сылын устата 1 миллиард солкуобайтан тахса көрүллүбүтэ, ону 5000 кэриҥэ ыал ылла.
Сиһилии: https://www.sakha.gov.ru/news/12734
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…