Оҕолоох ыалы өйүүр үбүлээһин сэттэ төгүл үрдээбит

2019 сылтан өрөспүүбүлүкэҕэ оҕолоох ыалы өйүүр үбүлээһин сэттэ төгүл үрдээбит уонна былырыын 29,2 млрд. солк. тэҥнэспит.

Ити туһунан бүгүн “Биир ньыгыл Арассыыйа” баартыйа эрэгийиэннээҕи салаатын сэкирэтээрэ, Ил Дархан Айсен Николаев Ил Түмэҥҥэ Бырабыыталыстыба 2024 сыллааҕы үлэтин түмүгүн отчуттууругар иһитиннэрдэ.

Ил Түмэҥҥэ “Биир ньыгыл Арассыыйа” фракциятын чилиэнэ, “Саха” НКИХ генеральнай дириэктэрэ Олег Марков:

— Айсен Сергеевич этиитин сүрүн тиэмэтинэн оҕолоох ыалга социальнай өйөбүл миэрэлэрин туһунан отчуота буолар. Ил Дархан өрөспүүбүлүкэҕэ оҕолоох ыалы өйөөһүҥҥэ үбүлээһин кэлиҥҥи биэс сылга сэттэ төгүл үрдээбитин  иһитиннэрдэ. Араас категориялаах ыалы хабар уонна кинилэр ирдэбиллэрин учуоттуур босуобуйа систиэмэтэ сайдан иһэр.

“Биир ньыгыл Арассыыйа” баартыйа “Бигэ ыал” партийнай бырайыагы үлэлэтэр. Дьон өрөспүүбүлүкэҕэ, дойдуга дьиэ кэргэн уонна оҕо аймах института өрүү инники турарын, сыаналанарын уонна эрэгийиэн судаарыстыбаннай бэлиитикэтин биир сүрүн соругунан буоларын өйдүүрүгэр эрэнэбин», – диэн кини этэр.

Бу туһунан “Биир ньыгыл Арассыыйа” баартыйа телеграм ханаалыгар суруйаллар.