Хаартыска: pxhere.com
Дойдубутугар суоһаан турар кутталы дьалбарытыыга оҥоһуллар байыаннай дьайыыга көмөттөн Ньурба улууһун Күндээдэ нэһилиэгин дьоно туора турбаттарын, биһиги сэбилэниилээх күүстэрбит кимэн киириилэрэ ситиһиилээх буоларын, истэн үөрэллэрин уонна эйэлээх олоҕу туруулаһыыга хас биирдиибит көмөтө бигэ тирэҕинэн буоларын нэһилиэк дьокутаата, оҕо уһуйаанын сэбиэдиссэйэ Венера Степанова бэлиэтиир.
– Баһылык Яков Замятин иилээһининэн-саҕалааһынынан буойуттарбытыгар уонна кинилэр дьиэ кэргэттэригэр көмө тиһигин быспакка кэмиттэн кэмигэр ыытылла турар. Ол курдук, ыам ыйын бүтэһик күннэригэр улуус баһылыга Алексей Михайлович Иннокентьев байыаннай дьайыыга сылдьар уолаттарбытын көрсө барарын баттаһа уолаттарбытыгар сайыҥҥы камуфляж көстүүмнэри уонна рюкзак ылыллан тиксэриллибитэ. Маны Дьокуускай куоракка олорор биир дойдулаахтарбыт түмсүүлэрин бэрэссэдээтэлэ Наталья Васильевна Николаева «Индустрия Спецодежды» маҕаһыынтан размердарынан сыымайдаан, оннооҕор ааттарын бэлиэтээн суруйан, оройуон куораттааҕы бастайааннай бэрэстэбиитэлистибэтигэр туттарбыта. Оттон атыылаһарга уу харчынан көмөнү нэһилиэкпит урбаанньыттара Раиса Тарасовна уонна Татьяна Родионовна Даниловалар, Петров Евгений Ильич, Потапова Евдокия Викторовна, Потапов Павел Викторович, Васильев Афанасий Иванович оҥорбуттарыгар махталбыт муҥура суох. «Уонна киһи эрэ үөрүөх — оскуолабыт 4 кылааһын үөрэнээччилэрэ учууталлара Иудина Мария Сергеевнаны кытта кылаастарыгар саас эрдэттэн үүннэрбит араас сибэкки, дьэдьэн арассаадатын атыылаан киллэрбит харчыларын буойуттар наадаларыгар диэн биэрбиттэрэ»,- диэн баһылык солбуйааччыта Ольга Петрова үөрэ кэпсээбитэ.
Оттон нэһилиэкпит «Алгыс» эбээлэр түмсүүлэрэ (салайааччы Светлана Замятина), «Далбарай» түмсүү (салайааччы Розалия Борисова) уонна оҕо саадын үлэһиттэрэ маскировочнай сетканы күн солото суох баайаннар, кэмигэр бүтэрэн, дьаһалтаҕа туттарбыттара. Хата, уу суола аһыллан, оройуон киинигэр киирэр буолбутуттан санаабыт өссө көтөҕүллүбүтэ.
Биһиги нэһилиэкпититтэн күн бүгүн 8 хорсун санаалаах эр дьоммут анал байыаннай дьайыыга кытта сылдьар. Онон тус бэйэлэригэр, дьонноругар да көмө наадатын өйдөөн, анал пуонда аһыллыбыта. Биир бастакынан манна үбү оскуола уонна дьаһалта үлэһиттэрэ укпуттара. Маны оҕо саадын кэллэктиибэ эмиэ өйөөтө.
Бүгүн Арассыыйа Дьоруойа Дмитрий Куценко төрөөбүт, улааппыт улууһугар Өлүөхүмэҕэ тиийдэ. Дьоруойу оҕолуун улаханныын бары аэропорка…
Саха сиригэр Самбо федерациятын бэрэсидьиэнэ, РФ үтүөлээх тириэньэрэ Вячеслав Литавин этэринэн, "Саха сирэ -- дьоруойдар…
ИДьМ Дьокуускайдааҕы 1-кы №-дээх полиция салаатын дьуһуурунай чааһыгар сүтүктээх дьахтартан үҥсүү киирбит. Ол курдук, кини…
Халаан кэмигэр ууну ыраастыыр систиэмэлэргэ кирдээх уу киирэр. Итинэн сибээстээн, «Водоканал» ууну ыраастыыр ньымаҕа уонна …
Муус ааһыытын кэмигэр Саха сиригэр түөрт нэһилиэк ууга барар кутталлааҕын туһунан гидрометкиин сэрэтэр. Өскөтүн, Өлүөнэ…
Ыам ыйын 8 күнүгэр Дьокуускайга 24 саастаах эр киһи сибэкки атыылыыр маҕаһыыҥҥа киирэн 750 солкуобайдаах…