Оҕолор атахтарын суолун батыһан…

Оҕолору кытта куттал суох буоларын туһугар хайаан да кэпсэтиэххэ наада.

Маннык тымныы күннэргэ ураты болҕомтолоох буолуу, оҕолорго куттал суоһаабатын туһуттан кэпсэтиини таһаарыы, болҕомтону улаатыннарыа хайаан да наада.

РФ ИДьМ официальнай бэрэстэбиитэлэ Ирина Волк биһиги кэллиэгэбит Владислав Гуляев оҥорбут быһыытын туһунан иһитиннэриитэ итини бигэргэтэр. Кини үс эдэркээн олоҕу быыһаабыт.

Дьолго болҕомтолоох полицейскай бу уолаттары суолларынан батыһан булбут. Уолаттар суолларын тыал номнуо хаарынан тибэн кэбиспит, оттон кинилэр суохтарын туһунан ити кэмҥэ өссө ким да билбэккэ сылдьыбыт эбит. Төрөппүттэр кэлин билэннэр айманыахтара эбитэ буолуо.

Сангаартан Арҕаска диэри быһа холуйан 60 км. Уолаттар дьон-сэргэ сылдьыбат сиринэн түһүнэн кэбиспиттэр, аны онон уонча км устатыгар биир да дьиэ-уот суох сирэ.

Полиция ыстаарсай учаскуобайын Владислав Гуляевы уона быраатын  туох да омуна-төлөнө суох араҥаччылыыр Аанньаллар диэххэ сөп. Сулууспаҕа сыһыана суох наадаҕа халлаан хараҥарыыта барбыттар. Ол баран иһэн атах суолун бэлиэтии көрөн, полиция үлэһитэ сэрэйэн көрөр дьоҕуругар итэҕэйэн, атах суолун ирдээн, булан батыһыы, бу ханна, кимнээх баран иһэллэрин билэргэ дьулуһуу, өйдөөн көрүү улахан эппиэтинэстээх быһыыны, болҕомтолоох буолууну көрдөрөр.

http://@mvd_sakha