Оҕолор баһаарынай депоҕа сырыттылар

Баһаарынай чааска экскурсия — бу оҕолорго баһаарынай идэтин суолтатын туһунан эрэ кэпсээһин буолбакка, дьиэҕэ-уоккка куттал суох буолуутун быраабылатыгар үөрэтии буолар. 

Анал баһаарынай-быыһыыр сулууспа баһаарынайдара ыалдьыттары үөрэ-көтө көрсөллөр уонна кинилэр бэйэлэрин күннээҕи олохторун кытары билиһиннэрллэр.
Кыра да оҕолор, улахан да дьон манна кэллэхтэринэ харахтара уоттанар.

Дьокуускай куорат 31 №-дээх орто оскуолатын үөрэнээччилэрэ төрөппүттэрин кытары баһаарынай депоҕа сырыттылар уонна араас тиэхиньикэни уонна таҥастарын көрдүлэр.
Ону сэргэ оҕолор баһаарынай олоҕун-дьаһаҕын уонна караул сулууспатын усулуобуйатын кытары билистилэр.

Үөрэнээччилэр баһаарынай массыыналары интэриэһиргээн көрдүлэр уонна уоту кытары охсуһааччылар кэпсээннэрин болҕомтолоохтук иһиттилэр.

Итини сэргэ оҕолор баһаарынай таҥаһы, тыынар аппарааты кэтэн көрдүлэр уонна өйдүү-саныы сылдьаары хаартыска түстүлэр.

Көрсүһүүгэ баһаарынай үлэһиттэрэ «101» уонна «112» нүөмэрдэр ыксаллаах түгэҥҥэ ыҥыралларын санаттылар диэн СӨ Ыксаллаах быһыыга-майгыга министиэристибэтэ иһитиннэрэр.