Оҕолор хаппыысталарын нэһилиэктэргэ атыылаатылар

2013 сылтан Кириэс Халдьаайыга “Байаҕантай кэскилэ” үлэ-сынньалаҥ лааҕыра үлэлиир. Хаппыыстаны уонна оҕуруот атын да астарын олордон, көрөн-харайан нэһилиэнньэ киэҥ араҥатыгар атыыга таһаараллар. Лааҕыр үс сезоннаах, 30-туу, оттон үһүс сезоҥҥа 15 оҕо  үлэлииллэр.

Хаппыыстаны, оҕуруот астарын Хаандыганан, Саһылынан уонна Үөгэн, Арыы Толоон учаастактарынан, Кириэс Халдьаайыга атыылаатылар.

Хаппыыста үүнүүтэ былырыыҥҥытааҕар кыра. Кураан күннэр турдулар, хаппыыста үөнэ буулаан, үс төгүл эмтээбиттэр.

Хаппыыстаны хомуйууга оскуола оҕолоро, учууталлар күрүөмүнэн субуотунньуктаатылар. Сылын аайы үүнүү тупсан истин!

Ирина Харайданова, Кириэс Халдьаайы орто оскуолатын саха тылын уонна литературатын учуутала