Оҕолор куоппут уһуйааннарыттан иитээччини үлэтиттэн уураттылар

Дьокуускайга бэрэбиэркэ кэнниттэн «Күнтэгил» чааһынай уһуйаан иитээччитин үлэтиттэн уураттылар. Бу сайын уһуйаантан түөрт оҕо куоппута. СӨ Борокуратуурата иһитиннэрэринэн, сэбиэдиссэйгэ административнай дьыаланы тэрийбиттэр.

От ыйын 28 күнүгэр күнүс үс уол уонна биир кыыс бастакы этээскэ баар суунар хоско барарга көрдөспүттэр. Иитээччи оҕолору бэйэлэрин онно ыыппыт. Оҕолор домофон магнитнай аанын арыйан, уһуйаантан тахсан барбыттар.

Оҕолору Бүлүүлүүр суолга баар сапыраапка аттыттан тротуартан булбуттар.

Бэрэбиэркэ түмүгүнэн иитээччини үлэтиттэн уураппыттар, иитээччи көмөлөһөөччүтэ быыгабардаммыт.