Оҕолор кыайыы туһугар

Бүгүн Дьокуускай куорат Н.О. Кривошапкин аатынан 5-с №-дээх орто оскуолатын оҕолоро, төрөппүттэрэ, дириэктэр Алексей Семенов уонна иитэр үлэҕэ уонна оҕо уопсастыбаннай хамсааһыннарын кытары үлэҕэ дириэктэр сүбэһитэ Сардана Власьевна Петрова байыаннай дьайыыга сылдьар байыастарга анаан уочараттаах көмөлөрүн оҥордулар. 

Улуу Кыайыы 80 сылынан сэмэй көмөлөрүн «Боевые шелкопряды» хамсааһын филиалыгар аҕалан туттардылар.

«Дьокуускай куорат 5-с №-дээх орто оскуолатын үөрэнээччилэригэр уонна төрөппүттэригэр ис сүрэхпититтэн махтанабыт. Аҕа дойдуларын көмүскүү сылдьар биһиги уолаттарбытыгар үтүө санаалара, суруктара күүс-көмө буолуоҕа, кыайыыга тирэх буолуоҕа. Хорсун-хоодуот буойуттарбыт кыайыы көтөллөөх төннүөхтэрэ», — диэн «Боевые шелкопряды» хамсааһын волонтердара махталларын этэллэр.