Оҕолор кыһыл көмүстээх шкатулканы уорбуттар

Дьокуускайга полиция 2-с №-дээх отделыгар олохтоох дьахтар кыһыл көмүс киэргэллэрин уордарбытын туһунан иһитиннэрбит. Кини кыбартыыратыттан 100 тыһ.солк. кэриҥэ суумалаах киэргэллэр сүппүттэрин туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ маныаха уорбаланар 16-17 саастаах үс уолу быһаарбыттар. Бу — сайабылыанньа суруйбут дьахтар кыыһын доҕотторо.

Быһаарыллыбытынан, уорбаланааччылар кыыска ыалдьыттыы кэлбиттэр. Ыскаапка көмүстээх шкатулка турарын көрөн, дьиэттэн тахсаары туран уоран ылбыттар. Уоруллубуту ломбардка туттарбыттар, ол харчытын бэйэлэрэ билбиттэринэн туттубуттар.

Уоруунан холуобунай дьыала тэрилиннэ.