Оҕолор оһуокайы оройуттан туттулар

Бэҕэһээ, ахсынньы 5 күнүгэр, Дьокуускай куоракка «Арчы» дьиэтигэр өрөспүүбүлүкэтээҕи «Оһуокайдаан ойуоҕуҥ» оҕо оһуокайын күрэҕэ буолан ааста. 

Күрэх Саха сирин Үтүөлээх этэччитэ, СӨ култууратыр туйгуна Арыйаана Михайлова оһуокайдаабыта 25 сылын бэлиэтээһин иитинэн ыытылынна. Күрэххэ Үөһээ Бүлүүттэн, Сунтаартан, Амматтан, Хаҥаластан, Уус Алдантан, Ньурбаттан, Бүлүүттэн, Горнай, Мэҥэ Хаҥаластан, Өймөкөөнтөн, Хатастан, Дьокуускай куораттан барыта 41 оҕо кытынна.

Оһуокай күрэҕин түмүгүнэн Гран-при хаһаайынынан Ньурбаттан Камелия Яковлева (13 саастаах.) буолла.

1 бөлөххө (6-9 саастаахтарга):
1 миэстэ — Эрсан Рожин (Горнай улууһа, 9 саастаах).
2 миэстэ — Айаркуо Шишигина (Дьокуускай, 8 саастаах).
3 миэстэ — Вася Шарин (Дьокуускай, 6 саастаах).

2 бөлөххө (10-13 саастаахтарга):
1 миэстэ — Дамира Дорофеева (Уус Алдан, 12 саастаах).
2 миэстэ — Айсен Дорофеев (Дьокуускай, 11 саастаах).
3 миэстэ — Витя Васильев (Дьркуускай, 10 саастаах).

3 бөлөххө (14-17 саастаахтар):
1 миэстэ — Эрхан Васильев (Үөһээ Бүлүү, 17 саастаах).
2 миэстэ — Лена Степанова (Амма, 16 саастаах).
3 миэстэ — Дархан Тихонов (Хаҥалас, 17 саастаах).

Маны таһынан хас биирдии бөлөххө 5-тии бириистээх Анал ааттар туттарылыннылар.
Күрэххэ кыттыбыт оҕолор бары илии тутуурдаах, өттүк харалаах бардылар.

«Тэрээһин генеральнай спонсордарыгар «Үүнэр көлүөнэ тус сыаллаах пуондатын» генеральнай дириэктэригэр, Саха Өрөспүүбүлүкэтин норуодунай дьокутаатыгар Владимир Анатольевич Егоровка, «Водоканал» АУо генеральнай дириэктэригэр Анатолий Андреевич Кырджагасовка, «Комдрагеметалл» АУо генеральнай дириэктэрин сүбэһитигэр Карл Иннокентьевич Васильевка, Оһуокай өрөспүүбүлүкэтээҕи түмсүүтүн бэрэссэдээтэлигэр, «Центральнай» киинэ тыйаатырын генеральнай дириэктэригэр Александр Джурович Даниловка, Андрей Титович Титаров дьиэ кэргэнигэр, кыыһыгар Тамара Сергеевна Николаеваҕа, Саха сирин Архиепискобар Владыка Ромаҥҥа, «Офсет» типография дириэктэригэр Дария Николаевнаҕа истиҥ махталбытын биллэрэбит», — диэн Арыйаана Михайлова махталын тиэрдэр.