Хаартыска: Мария Васильева, СИА.
Аҕыйах хонуктааҕыта оскуола үөрэнээччилэрэ сиэри таһынан ноҕуруускалаахтарын, үөрэх бырагыраамата өрүү уустугуран иһэрин туһунан төрөппүттэр Судаарыстыбаннай Дуумаҕа суруйалларын Парламент палататын бэрэссэдээтэлэ Вячеслав Володин тус телеграм ханаалыгар үллэстибитин иһитиннэрэн турабыт.
Бэҕэһээ Судаарыстыбаннай Дуума үөрэҕириигэ кэмитиэтин бэрэссэдээтэлин бастакы солбуйааччы Яна Лантратова, үөрэх хаачыстыбатыгар охсуута суох күннээҕи уруок көҕүрээтэҕинэ оҕолор ноҕуруускалара аччыа этэ диэн эппитин сонуну киэҥник тарҕатар киин ситимнэр суруйдулар.
Лантратова бэлиэтииринэн, үөрэх бырагыраамата “үөрэнээччи физическэй уонна эмоциональнай туругун умнан туран наар академическай ситиһиини ыларга туһаайыллар”, бу өрүү сылайыыга, истириэскэ тириэрдэр уонна доруобуйаларыгар охсор. “Бу кыһалҕаны быһаарарга үөрэххэ сыһыаны уларытар ирдэнэр. Бастатан туран, үөрэх былаанын оҕо сааһыгар, физиологическай ирдэбилигэр учуоттаан аттарар наада. Холобур, күннээҕи уруогу аҕыйатыы үөрэх хаачыстыбатыгар охсубакка эрэ ноҕуруусканы аччатыан сөп” – диэн Лантратова этэр.
Итини сэргэ дьокутаат дьиэҕэ үлэни хаттаан көрөр ирдэнэрин ыйар. Дьиэҕэ үлэ барбыт матырыйаалы бигэргэтиигэ туһаайыллыахтаах, элбэх үлэни толорууга буолбатах диэн бэлиэтиир.
Үөһээ Бүлүүгэ Авиаторов уулусаҕа 30 №-дээх дьиэ таһыгар Украина Сэбилэниилээх күүстэрин колоннатын урусхаллаабыт «Алеша» тааҥка…
СӨ Борокуратууратын сорудаҕынан Дьокуускай куорат борокуратуурата «Icon Bar» култуурунай- сынньанар кииҥҥэ уонна «Рыдзинский» ХЭУо рюмочнайыгар…
Саха сиригэр биир суукка иһигэр 70,6 га уопсай иэннээх түөрт уот баһаарын умуруордулар. СӨ Суһал…
Аҕа дойду Улуу сэриитэ Кыайыы өрөгөйүнэн түмүктэммитэ 80 сыла буолла. Бу кыайыы, устуоруйа кэрэһилииринэн, аан…
Барча диэн тугун, хайдах, туохтан оҥоһулларын билэҕит дуо? Өбүгэлэрбит астарыттан биирдэстэрэ буолар. Оннооҕор күөрчэххэ кытта…
Ыам ыйын 10 күнүгэр Саха сиринээҕи Быыһыыр сулууспатын быыһааччылара муус устар 30 күнүгэр 1965 сыллаах…