Хаартыска: Александра Федорова тиксэриитэ
Санкт-Петербурга Улуу Кыайыы 80 сылынан «Открой в себе ученого» кэмпириэнсийэ ыытылынна.
Бүтүн Арассыыйатааҕы научнай-инновационнай кэмпириэнсийэ Санкт-Петербурдааҕы судаарыстыбаннай технологическай университекка (СПГТУ) уонна Д.Ф.Устинов аатынан «Военмех» БГТУ муус устар 18-21 күннэригэр буолла.
Бу тэрээһин түһүлгэтигэр тыһыынчанан оҕо түмүстэ, Саха сириттэн 300 үөрэнээччи кытынна.
Үөһээ Бүлүү улууһун кыһатыттан, Д.С.Спиридонов аатынан улуустааҕы гимназияттан, Г.Н.Чиряев аатынан Хоро орто оскуолатыттан, ХИФУ, Мэйик уонна Далыр оскуолаларыттан уон оҕо кытынна. Оҕолорго барыларыгар сэритипкээттэр, кэтэхтэн түһүмэх кыайыылаахтарыгар дипломнар туттарылыннылар. Мэйик орто оскуолатын 7 кылааһыгар туйгуннук үөрэнэр Арсений Федоров «Литературоведение» сиэксийэҕэ «Литератураҕа саллаат уобараһа А. Твардовскай «Василий Теркин» поэматын уонна Т. Сметанин «Егор Чээрин» кэпсээнин холобурдарыгар олоҕуран» диэн үлэтэ үрдүк сыанабылы ылла, чаҕылхай ситиһиилэннэ. Кини 3 истиэпэннээх лауреат үрдүк аатын ылла. Арсений научнай салайааччыта нуучча тылын уонна литераптуратын учуутала Федорова Александра Никифоровна.
Научнай бырагыраамаҕа кыттыбыт оҕолор Санкт-Петербург кэрэ-бэлиэ миэстэлэринэн күүлэйдээтилэр, ураты түмэллэри кэрэхсии, сэргии көрдүлэр. Дэлэгээссийэни Үөһээ Бүлүү үөрэххэ управлениетын иһитиннэрэр-мэтэдиичэскэй отделын сэбиэдиссэйэ Иванова Мичилийэ Святославовна салайан илдьэ сырытта.
Үөһээ Бүлүү улууһун дэлэгээссийэтэ далааһыннаах тэрээһиҥҥэ ситиһиилээхтик кыттыыта эдэр чинчийээччилэри бэлэмнээһин үрдүк таһымнааҕын көрдөрдө уонна үөрэнээччилэр, устудьуоннар научнай-чинчийэр үлэлэрин өйөөһүн суолталааҕын бэлиэтээтэ.
Александра Федорова
Хаартыска: А.Федорова тиксэриитэ
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…