Оҕолор сайыҥҥы сынньалаҥнара

Быйыл сайын сэттэ сүүсчэкэ оҕо өрөспүүбүлүкэ таһыгар сынньаныа.

Бу сайын өрөспүүбүлүкэ тас өттүгэр сынньанарга уонна доруобуйаны чэбдигирдэргэ Саха сириттэн 689 оҕо ыытыллыаҕа. Бу туһунан СӨ үөрэҕин уонна билимин министиэристибэтиттэн иһитиннэрдилэр.

Оҕолор Приморскай кыраайга, оҕо кииннэригэр: «Океаҥҥа», «Орлёнокка», «Сменаҕа», «Артекка» сынньаныахтара. Бу тэрилтэлэргэ сынньанарга 524 путевкаҕа сөбүлэҥҥэ илии баттаммыт.

Араас бырагырааманан маннык буолуоҕа:

— федеральнай бырагырааманан «Дети Арктики» — 144 оҕо.
— «Развитие образования» бырагырааманан — 154 оҕо.
— Байыас дьиэ кэргэниттэн — 400 оҕо.

Бүгүҥҥү күҥҥэ номнуо 77 оҕо ыытыллыбыт: 46 — «Океаҥҥа» уонна 31 — «Артекка».

Сиһилии https://www.sakha.gov.ru/news/front/view/id/3489934  манна киирэн көрүөххэ сөп.

СӨ Ил Дарханын уонна Бырабыыталыстыбатын пресс-сулууспата