Хаартыска: "Заря Яны"
Усуйаана улууһун Нижнеянскай бөһүөлэгэр оскуола умайбытын кэнниттэн, оҕолор тус кыраапыгынан үөрэхтэрин салгыыллар. Бу туһунан үөрэх, наука министиэристибэтэ иһитиннэрэр.
Оскуола умайбытынан сибээстээн, үөрэх министиэристибэтигэр суһал мунньаҕы ыыттылар. Миниистири солбуйааччы С.А. Степанов бэрэссэдээтэллээх оробуочай мунньахха Усуйаана улууһун үөрэххэ управлениетын начаалынньыга А.Р. Дьячковская, «Роспотребнадзор» управлениетын салайааччытын солбуйааччы Н.Б. Борисова, уо.д.а. кыттыыны ыллылар.
Мунньах түмүгүнэн, оҕолор тэйиччиттэн олорон, тус кыраапыгынан үөрэнэллэригэр уонна сотору кэминэр үөрэнэр сирдэрин бэлэмнииллэригэр сорудах бэрилиннэ.
Оскуола-саадка 8 оҕо үөрэнэр, уһуйааҥҥа 4 оҕо сылдьар. Улуус кииниттэн оҕолорго канцелярскай табаардары ыыттылар. Эбии үөрэнэр тэриллэри, учуобунньуктары ыытыахтара. Билигин «Водник» култуура дьиэтигэр оҕолор үөрэнэр сирдэрин бэлэмнииллэр, өрөмүөн үлэтэ барыахтаах. Бу күннэргэ хоту дойдуга күүстээх буурҕа ытыллан, суол-иис мөлтөх.
Санатар буоллахха, тохсунньу 26 күнүгэр Нижнеянскай бөһүөлэгэр икки этээстээх «Теплоэнергосервис» дьиэтэ умайбыта. Манна алта тэрилтэ баар этэ. Маны тэҥэ, күүстээх тыал түһэн, уот аттыгар турбут оскуола-саад дьиэтигэр көһөн, эмиэ умайан хаалбыта.
«Якутия, вперед!» биэриигэ Айсен Николаев тохсунньу ый түмүктэрин таһаарда уонна Бырабыыталыстыба отчуоттарын сирэй көрсөн тоҕо…
“Якутия, вперед!” биэриигэ тохсунньу түмүктэрин таһаарар быһа эпииргэ Ил Дархан “Сулустаах” түөлбэҕэ сыл саҕаланаатын кытта…
“СӨ судаарыстыбаннай ыччат бэлиитикэтин туһунан” сокуон 1998 сыллаахха ылыныллыбыта. Ол гынан баран, бу сокуоҥҥа “патриотическай…
Ил Дархан Айсен Николаев үөрэх үлэһиттэрин тохсунньутааҕы сүбэ мунньаҕар этиллибит сүҥкэн суолталаах боппуруоһунан тус үөрэхтээһини…
Мииринэй улууһугар полицейскайдар биэнсийэлээх дьахтартан баан каартатыттан харчы уоруутун дьыалатын арыйдылар. Харчыны уорбут уорбаланааччынан дьахтар…
Олунньу 1 күнүттэн үлэтэ суохтарга босуобуйа кээмэйэ 9,5%-нан эбиллэн, муҥутуур кээмэйэ 15 тыһ. солк. тахса…