Оҕолор вахтовигы халаабыттар

Дьокуускайдааҕы полиция 3-с №-дээх отделыгар эр киһи 55 тыһ.солк. уордарбытын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ 18 уонна 15 саастаах эдэр дьон уорбаланалларын быһаарбыттар.

Быһаарыллыбытынан, уорбаланааччылар вахтовигы кытта киин куорат биир сынньалаҥы тэрийэр сиригэр билсибиттэр. Салгыы уолаттар итирбит эр киһини быраҕыллыбыт дьиэҕэ аҕалбыттар. Ким даҕаны суоҕун туһанан, уорбаланааччылар эр киһи сиэптэрин хаһан харчы булан ылбыттар уонна барбыттар. Харчыны бэйэлэрин наадаларыгар бараабыттар.

Халааһынынан холуобунай дьыала тэрилиннэ.