Салгыы
До выборов президента РФ
00 дней
:
00 часов
:
00 минут
:
00 секунд
Оҕолордоох массыынаны күрэтэн барбыт…

Оҕолордоох массыынаны күрэтэн барбыт…

Ааптар:
22.06.2023, 18:22
https://t.me/gibdd14
Бөлөххө киир:

Бэс ыйын 21 күнүгэр киэһээ  22:30 ч. Дьокуускай куорат  госавтоинспекциятын дьуһуурунай чааһыгар,  Семен Данилов уулуссатыттан  «Тойота Королла» массыынаны күрэтэн барбыттарын туһунан иһитиннэрии киирбит.

Дьахтар кэпсээбитинэн,  массыына иһигэр икки кыра оҕо баар эбит. Иһитиннэрии киирээтин кытары,  уоруллубут массыына туһунан сибидиэнньэни дьуһуурунай патрулларга тириэрдибиттэр. Ол кэннэ, уонча мүнүүтэ ааһаатын кытары,  «Безопасный город» видеокамера уонна  «Паутина» анал сервис көмөтүнэн, массыынаны күрэтэн барбыт киһини Чайковскай уулуссаҕа иниспиэктэрдэр тохтоппуттар. Ол курдук, массыынаны  55 саастаах итирик киһи күрэтэн барбыта биллибит.  Аны  суоппар ыытар бырааба суоҕун ааһан,  өссө биир  пассажирдаах эбит. Эр киһи кэпсээбитинэн, тырааныспары хайдах күрэтэн барбытын, оҕолор массыына иһигэр баалларын өйдөөбөт эбит.

Кэлин биллибитэ,  дьахтар биир билэр киһитин кытары массыынаҕа утуйа сытар 4-5 саастаах оҕолорун хаалларан баран, ааннарын хатаабакка,  маҕаһыыҥҥа киирбиттэр. Арай маҕаһыынтан тахсыбыттара, массыыналара суох эбит. Онон тута ГИБДД-га эрийбиттэр.

Суол полицейскайдара тахсыбыт быһылаанынан, массыынаны күрэтэн барбыт киһиэхэ административнай матырыйаалы толордулар. Суоппар бырааба суоҕунан уонна итирик туруктааҕынан, эр киһи   10-тан  15 сууккаҕа диэри хаайыллыан, биитэр  30 тыһ. солк. ыстарааптаныан сөп.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
27 февраля
  • -29°C
  • Ощущается: -29°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: