https://t.me/gibdd14
Бэс ыйын 21 күнүгэр киэһээ 22:30 ч. Дьокуускай куорат госавтоинспекциятын дьуһуурунай чааһыгар, Семен Данилов уулуссатыттан «Тойота Королла» массыынаны күрэтэн барбыттарын туһунан иһитиннэрии киирбит.
Дьахтар кэпсээбитинэн, массыына иһигэр икки кыра оҕо баар эбит. Иһитиннэрии киирээтин кытары, уоруллубут массыына туһунан сибидиэнньэни дьуһуурунай патрулларга тириэрдибиттэр. Ол кэннэ, уонча мүнүүтэ ааһаатын кытары, «Безопасный город» видеокамера уонна «Паутина» анал сервис көмөтүнэн, массыынаны күрэтэн барбыт киһини Чайковскай уулуссаҕа иниспиэктэрдэр тохтоппуттар. Ол курдук, массыынаны 55 саастаах итирик киһи күрэтэн барбыта биллибит. Аны суоппар ыытар бырааба суоҕун ааһан, өссө биир пассажирдаах эбит. Эр киһи кэпсээбитинэн, тырааныспары хайдах күрэтэн барбытын, оҕолор массыына иһигэр баалларын өйдөөбөт эбит.
Кэлин биллибитэ, дьахтар биир билэр киһитин кытары массыынаҕа утуйа сытар 4-5 саастаах оҕолорун хаалларан баран, ааннарын хатаабакка, маҕаһыыҥҥа киирбиттэр. Арай маҕаһыынтан тахсыбыттара, массыыналара суох эбит. Онон тута ГИБДД-га эрийбиттэр.
Суол полицейскайдара тахсыбыт быһылаанынан, массыынаны күрэтэн барбыт киһиэхэ административнай матырыйаалы толордулар. Суоппар бырааба суоҕунан уонна итирик туруктааҕынан, эр киһи 10-тан 15 сууккаҕа диэри хаайыллыан, биитэр 30 тыһ. солк. ыстарааптаныан сөп.
Саха сиригэр муниципальнай быыбардар бара тураллар. Бүгүн 12:00 чаастааҕы дааннайынан быыбарга куоластааччы 19,63 бырыһыана кытынна.…
Дьокуускай куоракка томороон тымныыларга сылаас тохтобуллар абырыыллар. Киин куорат мэрэ Евгений Григорьев 2021 сыллаахха мэринэн…
“Киһини таҥаһынан көрсөллөр, өйүнэн сыаналаан атаараллар” диэн этии хайа да кэмҥэ суолтатын сүтэрбэт. Кырдьыга да,…
Бу улуустарга быыбардар итиини биэрии уонна чөлүгэр түһэрэр үлэлэр кэмнэригэр бараллар – чөлүгэр түһэрии балаҕан…
Ленскэй оройуонун дьаһалтата иһитиннэрбитинэн, балаҕан ыйын 13 күнүгэр оройуон урукку баһылыга, "Арман" ХЭУо салайааччыта Жумарт…
Былатыан Ойуунускай аатынан Саха академическай тыйаатырын артыыһа Сандаара Федотова «сулустаах чааһа» «Саха» НКИХ аатырбыт «Уот…