Хаартыска: Диана Сивцева тиксэрдэ
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ.
Манна Саха сирин хас биирдии улууһун туһунан саамай сэргэх чахчылар, айылҕа, харамай эйгэтин, норуот култууратын уонна үгэстэрин чаҕылхайдык көрдөрөр бэлиэлэр хомуллубуттар.
«Айылҕа, кыыллар, үүнээйилэр уонна норуот нэһилиэстибэтин бэлиэлэрин өҥнөөх-дьүһүннээх ойуулара оҕолорго төрөөбүт дойдуларыгар тапталы уонна ытыктабылы иитэллэр. Бу төрөөбүт дойдуларын култуурунай уонна айылҕа баайын сыаналыыр патриоттары иитэн таһаарарга көмөлөһөр. Оонньуу карточкатыттан бэлиэни талан, ону каартаттан булар кыах оҕолору саҥа матырыйаалы баһылыыр умсугутар оонньуу эйгэтин үөскэтэр», — диэн хомуйан оҥорооччу Диана Сивцева бэлиэтээтэ.
Каартаҕа Саха сирин кэрэ-бэлиэ сирдэрэ, бэлиэлэрэ, айылҕатын кэрэ көстүүлэрэ уонна ураты харамай эйгэтин бэрэстэбиитэллэрэ ойууламмыттар. Улуустар дьаралыктара киирбиттэр – кинилэр эрэгийиэн хас биирдии муннугун устуоруйатын арыйаллар. Ону тэҥэ үүнээйи эйгэтэ — Саха сирин тыата, өрүстэрэ, күөллэрэ уонна хайа чыпчааллара көрдөрүллүбүттэр.
«Биһиги чаҕылхай ойууларбыт оҕолор болҕомтолорун тардан, тулалыыр эйгэни үөрэтэр баҕаны уһугуннарыахтара диэн эрэнэбит. Оонньуу үөрэтиини сэргэхситэр: оонньуу хонуутуттан бэлиэни талаҥҥыт, ону каартаттан булан, айан уонна арыйыы эйгэтигэр умсуйуҥ», — диэн хомуйан оҥорооччу Карина Оконешникова эттэ.
Саха сирин харамай уонна үүнээйи эйгэтин баайын көрдөрөр айылҕа уобарастарын туһаныы айылҕа нэһилиэстибэтигэр харыстабыллаахтык сыһыаннаһарга уонна Сир ийэ кэскилигэр суолталаах экологическай сыаннастары сайыннарарга үөрэтэр.
«Каарта кээмэйэ – 120х84 см. Маҕаһыыннарга атыыга таҕыста, ону тэҥэ саайтка атыыланар. Оҕоҕутун кытта бэйэҕит мүччүргэннээх сырыыгытын айыҥ, Саха Өрөспүүбүлүкэтин ураты сирдэрин уонна баайын чинчийиҥ!», — диэн хомуйан оҥорооччу Марина Никифорова иһитиннэрдэ.
Саха сирин оҕолорго аналлаах каартата оҕо билэ-көрө сатыыр көҕүн сайыннарар кэрэ ньыма буолар. Кини эрэгийиэн географиятын туһунан чуолкай өйдөбүлү биэрэн, оҕолорго куораттар, өрүстэр, күөллэр уонна хайалар ханна баалларын түргэнник ылыналларыгар көмөлөһөр. Каарта төрөппүттэргэ уонна педагогтарга улахан көмөлөһөөччү буолуоҕа, тоҕо диэтэххэ кини оҕо сүрэҕэр төрөөбүт дойдуга тапталы иҥэрэргэ уонна Саха сирин баай култууратын эйгэтигэр умсугутарга кыах биэрэр.
Бүгүн Өлүөнэ өрүс хаҥас кытылыгар үөрүүлээх быһыыга-майгыга Өлүөнэ күргэтин бастакы тирэҕэр өйдөбүнньүк бэлиэни туруорар тэрээһин…
2024 сыл от ыйыгар Дьокуускай куорат биир саҥа тутуутугар нус-хас олох тохтообута. Сэттис мэндиэмэҥҥэ олорор…
Хортуоскаттан эрэ буолбакка, атын оҕуруот аһыттан минньигэс, туһалаах пюре оҥоһулларын билэҕит дуо? Бу маннык илдьиритиллибит…
Саха сиринээҕи тырааныспар борокуратуурата сымнаҕас сыттыктаах суудунаны кытары сибээстээх түбэлтэнэн бэрэбиэркэ ыытар. Бүгүн, алтынньы 21…
Алтынньы 20 күнүгэр Куокуй орто оскуолатын дириэктэрэ Петров И.И. биһиги иистэнэр сыахпытыгар соһуччу бэлэхтээх киирэн…
Саха сирин үөрэхтээһинин сүрүннүүр исписэлиистэр уонна парламентарийдар Төрүт сокуоҥҥа үөрэххэ сыһыаннаах көннөрүүлэри өйүүллэрин биллэрдилэр. Кинилэр…