Саха сиригэр аан бастакытын Саха АССР төрүттэммитэ 100 сылыгар сөп түбэһэннэрэн, “Билет в будущее” федеральнай бырайыак иитинэн “Идэ бэстибээлэ” диэн идэҕэ туһаайар тэрээһин буола турар.
Алтынньы 18-22 күннэригэр өрөспүүбүлүкэ 800-чэкэ үөрэнээччитэ фармацевт, сити-фермер, гейм-дизайнер, психолог арт-терапевт, сценарист, фотограф, геолог, сиэстэрэ, мобильнай сыһыарыыны оҥорооччу, о.д.а. идэлэри кытта билсиэхтэрэ. Тэрээһин “Арассыыйа – мин устуоруйам” устуоруйа пааркатыгар ыытыллар.
Гуманитарнай бырайыактар пуондаларын толорооччу дириэктэрэ, “Билет в будущее” бырайыагы сүрүннээччи Иван Есин: “Аныгы сайдыылаах судаарыстыбаҕа идэҕэ туһаайыы (профориентация) суолталаах ньыма буолар, сөптөөх түмүгү көрдөрүөҕэ. Оҕолор орто анал үөрэх тэрилтэлэригэр баран билсэн, бииргэ үлэлэһэр тэрилтэлэр былаһааккаларыгар баран инники идэлэрин сөпкө талан, олохторугар табыллаллар. Бу улахан суолталаах. Тоҕо диэтэххэ, бары биһигини кырааматынай быраастар эмтииллэригэр, уһулуччулаах педагогтар үөрэтэллэригэр, тутааччылар дьиэни хаачыстыбалаахтык уонна түргэнник туталларыгар баҕарабыт. Бу барыта идэҕэ сөпкө туһаайыыттан саҕаланар”, — диэн этэр.
Үөрэнээччилэр тус-туспа саалаларынан хаартыскаҕа түһэрэ үөрэнэллэр, геолог идэтин туһунан видео көрөллөр, истэллэр, таҥастарын-саптарын билсэллэр, “интернет вещей” хайысхаҕа көмпүүтэргэ олорон толорон көрөллөр. Уопсайынан, оҕо идэ туһунан киэҥ өйдөбүлү ыларыгар, бэйэтигэр чугас идэни көрдүүрүн туһугар усулуобуйаны олохтообуттар.
“Үөрэнээччилэри идэҕэ туһаайар тэрээһин чэрчитинэн ыытыллар бүгүҥҥү маастар-кылааска оҕолор уоска туһалаах бальзамы оҥордулар. Билигин – кыһыҥҥы кэмҥэ уос элбэхтик хатар. Маныаха судургу састааптан (вазелин, какао, кокос арыылара, Е битэмиин, персик арыыта, эфирнэй арыы) турар бальзам бэлэмниэххэ сөп. 45 мүнүүтэттэн 15 мүнүүтэтэ билиһиннэриигэ барар, хаалбыт 30 мүнүүтэ иһигэр бальзамы оҥороллор. Бэлэмнээбит бальзамнарын бэйэлэрин кытта илдьэ бараллар.
Бүгүн былаан быһыытынан хас да бөлөҕүнэн, уопсайа, 80 оҕону хабыахтаахпыт. Үөрэнээччилэр сэҥээрдэхтэрэ буолуо диэн эрэллээхпин”, — диэн Дьокуускайдааҕы мэдиссиинэ кэллиэһин фармацияҕа салаатын преподавателэ Наталья Михайловна кэпсиир.
Оҕолор уоттаммыт харахтарыттан көрдөххө, сэҥээрбиттэр, идэлэр туһунан элбэҕи билбиттэр.
Түөкүттэр күннэтэ араас албастары туһанан дьону албыннаан харчыларын суйдууллар. Билигин аны туристическай ааҕыныстыба, авиакасса үлэһиттэрэ…
Бүгүн, балаҕан ыйын 20 күнүгэр, өрөспүүбүлүкэ соҕуруу, арҕаа, хотугулуу-илин өттүгэр кыралаан ардыаҕа, сорох сиринэн күүстээх…
ХОЙ Бу нэдиэлэҕэ эһигини саҥа саҕалааһыннар күүтэллэр, чуолаан үлэҕитигэр. Онуоха кыайаргытыгар-хоторгутугар сэниэлэниэххит, күүһүрүөххүт, чугас дьоҥҥут…
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…