Хаартыска: Ааптар тиксэриитэ
«Оһуокайдаан ойуохха, эһиэкэйдээн тэйиэххэ» диэн ааттаах оҕолорго өрөспүүбүлүкэтээҕи оһуокай күрэҕэ ыытылынна.
Бу иннинэ улуустарынан күрэх ыытыллан, бастыҥ этээччи оҕо кыттыылаах күрэхтэстилэр. Күрэҕи СӨ Бырабыыталыстыбатын бэрэссэдээтэлин солбуйааччы Сергей Местников быһаччы өйөбүлүнэн Култуура уонна духуобунас, Үөрэҕирии министиэристибэлэрэ тэрийдилэр. Күрэҕи өрөспүүбүлүкэтээҕи Норуот айымньытын методическэй киинэ, Оһуокай уопсастыбата тэрийэн ыыттылар. Оҕолор 7-тэн 17 саастарыгар тиийэ кытыннылар. Урукку өттүгэр Бүлүү улуустарыттан элбэх талааннаах оҕолор күрэххэ мэлдьи көхтөөхтүк кыттар эбит буоллахтарына, бу сырыыга Тааттаттан, Уус Алдантан, Дьокуускай куораттан көхтөөхтүк кытыннылар.
Хоту улуустарыттан Муоматтан аудиовидеонан кытыннылар. Икки бөлөҕүнэн кыттыыга лауреат бастакы үктэлин 7-тэн 12-р диэри саастаахтарга Уус Алдантан Домира Дорофеева, 13-тэн 17-р диэри саастаахтарга Тааттаттан Симона Макарова ааттанан харчынан сэртипикээт туттулар. Иккис, үһүс үктэли ылбыт оҕолор эмиэ харчынан сэртипикээтинэн наҕараадаланнылар. Маны сэргэ бастакы, иккис истиэпэннээх дипломан аатын ыллылар. Кыайыылаахтар Оһуокай уопсастыбатыттан Гиннес рекордун оһуокайын хартыынатынан, А.Д.Данилов Дьулуур Хаан аатыттан Махтал суруктарынан, Ньургун Боотур олоҥхо кинигэтинэн наҕараадаланнылар.
Тааттаттан үтүөлээх этээччилэр Людмила Попова, Афанасий Попов, Горнайтан Дария Алексеева, Үөһээ Бүлүүттэн Марианна Хобусарова, Сунтаартан Мария Афанасьева, о.д.а үөрэппит оҕолорун ситиһиилэрэ кинилэртэн улахан тутулуктааҕын бэлиэтээтибит. СӨ Бырабыыталыстыбатын бэрэссэдээтэлин солбуйааччы Сергей Местников маннык күрэх сылын аайы ыытыллар буолуоҕа диэн эттэ.
Марта Николаева
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…
Кини сыл барыллаан түмүктэрин таһааран, инники былааннарын кытта билиһиннэриэҕэ. СӨ Бырабыыталыстыбатын иһинэн ЗАГС управлениетын салайааччыта…