А.Павлова хаартыскаҕа түһэриитэ
Горнай улууһугар Атамайга «Тирэх» уопсастыбаннай түмсүү (сал. Виктория Заровняева) 7-8 кылаас оҕолоругар (сал.Алла Павлова) кылаас чааһын ыытта.
Улуус бэтэрээннэрин сэбиэтин иһинэн ыытыллыбыт күөн күрэскэ Улуу Кыайыы 80 сылыгар туһуламмыт бырайыагы көмүскээн, 2 миэстэни ылары ситистэ. Онон бырайыагы олоххо киллэрэргэ 30 000 солкуобайынан наҕараадаламмыта. Бырайыак түмүгүнэн, Кыайыы 80 сылыгар анаммыт кыбытык тигиинэн уонна да атын иис араас ньыманан панно бэртээхэйэ тахсан кэллэ.
Бырайыак ис хоһоонун, үлэ түмүгүн (сал. Алла Павлова) көрдөрүү, сырдатыы буолла. Иистэнньэҥнэр Лидия Павлова, Виктория Заровняева, Нина Адамова үөрэнээччилэргэ иис хаамыытын, панно тигиитин билиһиннэрдилэр. Кылаас чааһыгар Сэбиэскэй Сойуус Дьоруойа В.Д. Лонгиновка аналлаах викторинаны бэтэрээн учуутал Нина Адамова ыытта. Викторина кыайыылаахтарыгар сэмэй бэлэхтэр туттарылыннылар. Салгыы кылаас кыргыттарыгар кыбытык тигии ньымаларыгар иистэнньэҥнэр Лидия Павлова, Виктория Заровняева үөрэттилэр, маастар кылаас ыыттылар. Паннону тигиигэ иистэнньэҥнэр Лидия Павлова, Анна Филиппова кытыннылар. Ону сэргэ, Виктория Зароявняева, Нина Адамова, Надежда Федорова, Любовь Семенова, Лидия Аввакумова, Раиса Иванова, Диана Федорова кыбытык тигиигэ кытыннылар.
Паннону сукунаттан, фетртан аттардылар, кыбытык тигиинэн, илиинэн быысапкалаатырлар. Кээмэйэ — 1.6м×1.8м. Панно силигин ситэрэн, 4 куар-код быысыбайданна. Манна Сэбиэскэй Сойуус Дьоруойа В.Д. Лонгинов туһунан, Атамай нэһилиэгин символиката, кыайыыны уһансыбыт биир дойдулаахтарбыт, Кыайыы кынаттаах эргиллибиттэр, сэрии толоонугар охтубуттар испииһэктэрин көрүөххэ сөп.
Алла Павлова,
Атамай.
Ааптар хаартыскалара
Бүгүн Өрөспүүбүлүкэ күнүгэр аналлаах уопсастыбаннас үөрүүлээх мунньаҕын Президиумугар Үөһээ Бүлүү улууһун волонтера Ольга Петровна Захарова…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Дьокуускай куорат 13-с №-дээх оскуолатыгар Өрөспүүбүлүкэ күнүгэр аналлаах бэлиэ тэрээһин буолан ааста. Бу ураты суолталаах…
Бүгүн, муус устар 26 күнүгэр, Саха Өрөспүүбүлүкэтин күнүн көрсө, Таатта улууһугар Чөркөөххө долгутуулаах бэлиэ күн…
Муус устар 27 күнэ – биһиги өрөспүүбүлүкэбитигэр улахан суолталаах даата. Бу күн 1922 сыллаахха РСФСР…
Өрөспүүбүлүкэ күнүн көрсө Ил Дархан Айсен Николаев судаарыстыбаннай наҕараадалары туттарбыта. Бу күн П.А. Ойуунускай аатынан…