Хаартыска: Үөһээ Бүлүү улууһун дьаһалтатын пресс сулууспата
Дьокуускай куоракка олунньу 4 күнүттэн «Күн оһуохайа» диэн оҕолорго оһуохайга өрөспүүбүлүкэтээҕи телевизионнай күрэх саҕаланна.
Ол курдук, олунньу 4-13 күннэригэр «Бэс чагда» оҕо лааҕырын баазатыгар куонкурус кыттааччылара 5 түһүмэхтээх тургутууну ааһыахтара. Манна кинилэри саха төрүт национальнай култууратыгар умсугутуохтара.
Уон хонук устата оҕолор оһуохай тойугун айан таһааран толоруутугар, ону сэргэ ырыа араас ньымаларын уонна саха оһуохайын үҥкүүтүн уратыларын үөрэтиэхтэрэ. Саха Сирин үтүөлээх оһуохайдьыттара уһуйааччылаах араас ньымаларга, тута хоһуйарга, түөлбэнэн оһуохай араастарыгар үөрэниэхтэрэ. Дьарыктары Саха сирин үтүөлээх бэйиэттэрэ – оһуохай этээччилэрэ ыытыахтара, эдэр талааннаах оҕолор дьоҕурдарын сайыннарыахтара, саха фольклорун көрүҥнэрин дириҥэтэн билиһиннэриэхтэрэ.
«Күн оһуохайа» бырайыак ааптарынан уонна көҥүлээччинэн СӨ үтүөлээх култуура үлэһитэ, СӨ култууратын уонна үөрэҕин туйгуна, Аан Дархан этээччи, Үөһээ Бүлүү улууһун култууратын уонна духуобунай сайдыытын департаменын салайааччыта Айталина Мойтохонова — Сахаайта буолар.
Куонкурус СӨ Бырабыыталыстыбатын Бэрэссэдээтэлин солбуйааччы Сергей Местников, СӨ Култууратын миниистирэ Афанасий Ноев, ону СӨ Үөрэххэ уонна билимҥэ министиэристибэтин өйөбүллэринэн үһүс төгүлүн ыытыллар. Куонкурус финала олунньу 13 күнүгэр, Ийэ тыл уонна сурук-бичик күнүгэр, «Саха» НКИХ телеханаалга быһа эпииргэ киэһэ 19.00 чаастан тахсыаҕа.
Финал түмүгэр дьүүллүүр сүбэ быһаарыытынан кыайыылаах оһуохайдьыт 100 тыһыынча солкуобайынан, онтон көрөөччүлэр смс куоластааһыннарын кыайыылаах оһуохайдьыт 50 тыһыынча солкуобай харчынан наҕараадаланыахтара, диэн Үөһээ Бүлүү улууһун дьаһалтатын пресс сулууспата суруйар.
Эбээн Бытантай улууһун Түгэһиир нэһилиэгин дьаһалтата анал байыаннай дьайыыга кытта сылдьар биир дойдулаахтарыгар гуманитарнай көмөнү…
Кыыл ахсаанын учуоттуур Экология министиэристибэтин «фотоловушката» Хатас сэлиэнньэтин таһыгар Өлүөнэ өрүһү киртитиитэ тахсыбытын бэлиэтээтэ. Ассенизатор…
Бүгүн Ил Түмэҥҥэ Елена Голомарева салайыытынан өрөспүүбүлүкэҕэ Арктика зонатыгар Инвестиционнай бырагыраама олоххо киириитин туһунан дьүүлэстилэр.…
Олунньу 6 күнүгэр Айсен Николаев анал байыаннай дьайыы кыттыылааҕын ийэтэ, волонтер Светлана Диодорованы-Лаврентьеваны кытта көрүстэ.…
Москваҕа «Россия» национальнай кииҥҥэ олунньу 5 күнүгэр «Билии» уопсастыбатын Бүтүн Арассыыйатааҕы «Билии.Лектор» куонкурус төрдүс сезонун…
Тохсунньу ый – Дьокуускайга өрөспүүбүлүкэ бүттүүнүттэн учууталлар түмсэр үгэскэ кубулуйбут кэмнэрэ. Өрөспүүбүлүкэ үөрэҕин үлэһиттэрин тохсунньутааҕы…