Оҕолорго туһуламмыт «Кыах эйгэтэ» аһаҕас куонкуруска 900 сайаапка киирдэ

Оҕолорго туһуламмыт «Кыах эйгэтэ» аһаҕас куонкуруска уопсайа 900 сайаапка киирдэ.

Биир кэлим ресурснай киин «Среда возможностей», «Кыах эйгэтэ» диэн  Тимченко пуондатын куонкуруһугар сайаапкалар киирбиттэр. Куонкурус кэммиэрчэскэйэ суох уонна бүддьүөт тэрилтэлэригэр ананар. Сүрүн соругунан – кыра саастаах уонна эрдэҕэс саастаах оҕолор сайдыыларын таһыма тупсарыгар уһун болдьохтоох бырайыактары көрдөөһүҥҥэ туһуланар. Тэрийээччилэр уопсайа 900 сайаапканы туппуттар.

Бэлиэтээн суруйдахха, Уһук Илиҥҥи федеральнай уокурукка Тимченко пуондатын куонкуруһун сүрүн операторынан “Биир кэлим ресурснай киин” буолар. Сайаапкаларынан үлэлэр чэрчилэринэн “Ресурснай киин” дьоҥҥо-сэргэҕэ информационнай кампанияны эрдэ ыыппыта. Ол курдук үөрэтэр сэминээрдэр, вебинардар уонна куонкурустар ыытыллыбыттара.

Салайааччы Ольга Вешникова иһитиннэрбитинэн, Уһук Илин уокурук эрэгийиэннэриттэн уопсайа сүүсчэкэ кэриҥэ сайаапка киирбит.

— Сайаапкалар дойдубут араас муннуктарыттан барыларыттан киирбиттэрэ. Ол курдук саамай ыраах тайаан сытар Арктика олохтоохторо эмиэ кыттыбыттара. Билэргит курдук, хас биирдии эрэгийиэн бэйэтэ уратылаах. Онон биһиги Уһук Илин уокурукка ресурснай кииннэрбит үлэһиттэригэр, кэллиэгэлэрбитигэр, доҕотторбутугар махталбытын биллэрэбит. Олус улахан үлэни оҥордубут. Куонкурус сүрүн соруга – оҕолорбут, эрдэҕэс саастаах ыччакка бэйэлэрин сайыннаралларыгар сөптөөх усулуобуйаны тэрийии буолар. Сүрүн болҕомтону кинилэр тус баҕаларыгар уонна ирдэбиллэригэр уурабыт.

“Кыах эйгэтэ” куонкурус кыайыылаахтарын эспиэртэр сыаналааһыннарын кэнниттэн бу сыл алтынньы 31 күнүгэр биллэриэхтэрэ. Оттон социальнай хайысхалаах бырайыактар үлэлэрэ сэтинньи 20 күнүттэн үлэлэрин саҕалыахтара.