Хаартыска: "Известия".
Быйыл Арассыыйаҕа «Тютчев каартата» баар буолуон сөп. Бу маннык көҕүлээһини култуура миниистирэ Ольга Любимоваҕа суруйан киллэрдилэр. Бу каартанан туһанан, 4-13 саастаах оҕолор уонна кинилэр төрөппүттэрэ култуура, спорт тэрээһиннэригэр, тэрилтэлэригэр сылдьыахтарын сөп.
2021 сыл балаҕан ыйын 1 күнүгэр бэрэсидьиэн Владимир Путин көҕүлээһининэн, «Пушкин каартата» киирбитэ. Каартаҕа 5 тыһыынча солкуобай угулла сылдьар, сыл аайы суума саҥардыллар. Бу каартанан туһанан, 14-22 саастаах оҕолор, ыччаттар, тыйаатырдарга, түмэллэргэ, кэнсиэртэргэ, быыстапкаларга босхо сылдьар кыахтаммыттара, култуура, ускуустуба эйгэтигэр сыстыбыттара.
«Пушкин каартата» киириэҕиттэн, бырагыраамаҕа 10,7 тыһыынча култуура тэрилтэтэ холбоспута, оҕолор барыта 50 мөлүйүөнтэн тахса билиэти ылан, туһаммыттара. Саамай элбэхтик киинэҕэ, 21% — испэктээкиллэргэ, кэнсиэртэргэ, 16% – быыстапкаларга, 2% – лиэксийэлэргэ уонна айар көрсүһүүлэргэ сылдьыбыттара.
Бүгүҥҥү туругунан, «Пушкин каартатын» 9 мөлүйүөнтэн тахса оҕо, ыччат туһанар. Кинилэр, баҕар, хаһан да сылдьыа суохтаах быыстапкаларыгар, испэктээкиллэригэр сылдьан, култуура өттүнэн эбиннэхтэрэ, сайыннахтара.
Оттон кыра оҕолору эмиэ култуура, духуобунас өттүнэн сайыннарыахха, иитиэххэ наада. Кинилэри кытта тэҥҥэ төрөппүттэрэ эмиэ сайдаллар, үөрэнэллэр. Холобур, үс оҕолоох ыалга каарталарын суумата 15 тыһыынча солкуобай буолар, бу суумаҕа дьиэ кэргэнинэн элбэх испэктээкилгэ, быыстапкаҕа, түмэлгэ, кэнсиэргэ сылдьан, бириэмэлэрин бииргэ туһалаахтык атаарыахтарын сөп. Онон бүтүн дьиэ кэргэҥҥэ туһалаах бырайыак буолар.
Арассыыйаҕа Дьиэ кэргэн сылыгар, Саха сиригэр Оҕо саас сылыгар, бэрэсидьиэн олохтообут «Дьиэ кэргэн» национальнай бырайыага үлэлээри турдаҕына, маннык көҕүлээһиннэр наадалаахтар.
Тоҕо «Тютчев каартата» диэний? Суруйааччы Федор Тютчев 9 оҕолоох этэ. Суруйааччылартан саамай элбэх оҕолоох.
Маны тэҥэ, аҕам саастаах дьоҥҥо «Тургеневскай каартаны» үлэлэтиэххэ диэн этии эмиэ киирэ сылдьыбыта эрээри, олоххо киирбэтэҕэ.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…