Оҕолоргутун уруһуй куонкуруһугар кытыннарыҥ!

СӨ Экэниэмикэ министиэристибэтэ  Арассыыйаҕа экэнэмиис күнүн көрсө,  9-13 саастаах оҕолору «Экономика и мир» уруһуй куонкуруһугар кыттарга ыҥырар.

Күөн күрэһи СӨ Экэниэмикэ министиэристибэтэ уонна «Кэскил» оҕо издательствота тэрийэллэр. Күрэс өрөспүүбүлүкэ оскуолатын оҕлорун ортотугар экэнэмиис идэтигэр интэриэһи үөскэтэр сыаллаах ыытыллар.

Куонкуруска кыттааччылар үлэлэрин алтынньы 19  күнүттэн сэтинньи 9 күнүгэр диэри unostverstka@yandex.ru электроннай почта аадырыһыгар ыытаҕыт.

«Уруһуй куонкуруһа» диэн бэлиэтиигит. Араспаанньа, аат, аҕа аата, саас, хаһыс кылааска үөрэнэрэ, үөрэнэр сирэ уонна төрөппүт төлөпүөнүн нүөмэрэ ыйыллар.

Куонкурус кыайыылаахтарын ааттара Арассыыйаҕа экэнэмиис күнүгэр — сэтинньи 11 күнүгэр биллиэҕэ. Бу төлөпүөнүнэн сиһилии билсиэххитин сөп: 8-914-300-01-99.