Оҕолору атаҕастаабыт киһиэхэ бириигэбэр таҕыста

Мэҥэ Хаҥалас улууһугар 31 саастаах эр киһи бииргэ олорор дьахтарын 15 уонна 9 саастаах  оҕолорун кэмиттэн кэмигэр атаҕастаан кырбыыр эбит.

Кини илиитинэн-атаҕынан киирэ сатаан баран кэлин молотооҕунан, маһынан охсуолуур буолбут. Мэҥэ Хаҥалас улууһун борокуратуурата бу киһиэхэ тэриллибит холуобунай дьыала буруйдааһынын өйөөбүт. Онон кини Арассыыйа Федерациятын холуобунай кодексатын 117 ыст 2 ч сууттаммыт уонна үс сылга хаайыы болдьоҕор ууруллубут.