2023 сыл тохсунньутуттан кыра дохуоттаах ыалларга өйүүр саҥа “универсальнай” босуобуйа олохтонуоҕа. Бу төлөбүр эрдэ учуокка турбут хат дьахталларга уонна оҕо 17 сааһын туолуор диэри бэриллэр (тиийинэн олоруу алын кээмэйиттэн кыра дохуоттаах ыалларга). Бу миэрэ кыаммат ыаллар ахсааннарын аҕыйатар сыаллаах. Сабаҕалааһын быһыытынан, өрөспүүбүлүкэҕэ 80 тыһыынча кэриҥэ оҕо, дьахтар бу босуобуйаны ылыахтаах.
Уопсайынан ыллахха, Саха сиригэр кэнники 10 сылга Үлэ, социальнай сайдыы министиэристибэтин иһинэн бэриллэр, оҕолору, ийэлэри өйүүр көмө үбүлээһинэ 8,2 төгүл улаатта. Холобур, 2012 сыллаахха үбүлээһин 1,9 миллиард солкуобай буоллаҕына, билигин 15,6 миллиард солкуобай көрүллэр.
Оттон Биэнсийэ пуондатынан 8-16 саастаах оҕолорго бэриллэр төлөбүрдэри холбоотоххо, бу сылга оҕолоох дьиэ кэргэттэргэ барыта 23 миллиард солкуобай төлөммүт. Онон, оҕолору, ийэлэри өйүүр көмө суумата 12 төгүл улааппыт.
Санатар буоллахха, өрөспүүбүлүкэҕэ 2018 сылтан сыл аайы эбии көмө миэрэлэрэ киирэн испиттэрэ: бастакы, иккис, үһүс оҕоҕо 3 сааһын туолуор диэри; 3-7 саастаах оҕолорго; ону тэҥэ, 8-17 саастаах оҕолорго. 2023 сылтан бу төлөбүрдэр холбоһон, биир “универсальнай” босуобуйа төлөнөр буолар.
Cаҥа дьылга хас биирдии дьиэ кэргэн үгэс быһыытынан баай, дэлэгэй астаах-үөллээх остуолун тула олорон, ааһан…
«РИК» бөлөх хампаанньалар көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр. 2025…
2025 сыл ахсынньы 15 күнүгэр Дьокуускай 202-с микро-оройуонугар куорат уонна чугастааҕы ыччат көрсүһэр, кэпсэтэр сирэ…
Арассыыйаҕа кэлэр сылга хомунаалынай өҥөлөр иһин төлөбүр тохсунньу 1 уонна алтынньы 1 күннэригэр үрдүөҕэ. Бу…
Азсынньы 19 күнүгэр Владимир Путин 4 чаас 27 мүнүүтэ устата ыыппыт быһа эпииригэр уонна пресс-кэмпириэнсийэтигэр…
Саха Өрөспүүбүлүкэтин суут бириистэптэрин сулууспатын управлениетыгар икки сааһын ситэ илик оҕотун иитиитигэр алименнары төлөөбөтөх дьахтар…