Оҕолору погрузчигынан тэпсибит суоппар моральнай хоромньуну төлүөҕэ

2024 сыл атырдьах ыйыгар Дьокуускайга Билибин уулуссатыгар эр киһи погрузчигынан үлэлии сылдьан, хортуон дьааһыгы үрдүнэн тэпсэн ааспыт. Ол иһигэр икки кыыс баар эбит. Дьокуускай борокуратуурата бэрэбиэркэни ыытта.

Оһолго биир кыыс улаханнык эчэйбитэ, иккиһэ тобуктарын, атаҕын тилэҕин эчэппитэ. Эрдэ улаханнык эчэйбит кыыс туһатыгар буруйдаах киһи 800 тыһ.солк. төлөөбүтэ биллэр.

Борокуруор ирдэбилинэн, иккис кыыс туһатыгар моральнай хоромньу быһыытынан 150 тыһ.солк. көрдөммүт.

Суут быһаарыныыта сокуоннай күүһүгэр киирэ илик.