Бу күннэргэ социальнай ситимҥэ оҕо көрө кэлбит ньээҥкэ кыра саастаах икки оҕону мөҕөрүн-этэрин, илгиэлиирин көрдөрөр видео киэҥник тарҕаммытын туһунан сырдатан турабыт.
Ийэ үлэлиир буолан, иккилээх уонна түөртээх оҕолоругар биллэриини көрөн, ньээҥкэни үлэҕэ ылбыт. Ньээҥкэ иккилии хоно-хоно кэлэн, оҕо көрсөн көмөлөһөр эбит. Ханнык эрэ түгэҥҥэ ийэ иһигэр саарбахтыы санаабыт уонна дьиэтигэр кистэлэҥ видеокамераны туруортарбыт. Видеокамера устубутунан ньээҥкэ ыал оронугар сытан эрэ оҕолору күргүйдүүр, илгиэлиир эбит. Видео тарҕанаатын кытта кырыктаах ньээҥкэ туһунан социальнай ситим оргуйан олордо. Тохсунньу 24 күнүгэр ИДьМ Дьокуускайдааҕы 3 №-дээх полиция отделыгар Дьокуускай куорат олохтооҕо, икки оҕо ийэтэ полицияҕа үҥсүү сурук киллэрбит. Кини 33 саастаах ньээҥкэ харчыга үлэлии кэлэн баран, оҕолору илгиэлээбитин, уйулҕа өттүнэн охсуу оҥорбутун туһунан үҥсүбүт. Үҥсүү киирээтин кытта кырыктаах ньээҥкэни суһаллык көрдөөн саҕалаабыттар. Суһал көрдөөһүн түмүгүнэн, тохсунньу 25 күнүгэр, ньээҥкэни булан силиэстийэлиир уоргаҥҥа аҕалбыттар.
Дьыала хайдах салалларын салгыы сырдатыахпыт.
Социальнай ситимҥэ тарҕаммыт видеоттан хаартыска ылылынна.
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…