Оҕолору түҥнэри көппүттэр

Бэнидиэнньиккэ, күнүс 2 чаас саҕана Кальвица уулуссатын 12-с №-дээх дьиэтин аттыгар 38 саастаах суоппар «Лексус СТ200Н» массыынатынан олбуор иһигэр хаҥас салайаары, суолу туораан биэрбэккэ,  матассыыкылы ыытан иһэр, 34 саастаах киһини түҥнэри көппүт. 

Ол түмүгэр, матассыыкылы ыытан иһэр киһи этэ-сиинэ көҕөрбүт, бэгэччэгин өлөрбүт.

Эмиэ бу күн Орджоникидзе уулуссатын 44 №-дээх дьиэтин олбуоругар «Тойота Аллион» массыынаны ыытан иһэр, 27 саастаах суоппар кэннинэн бараары, үчүгэйдик көрбөккө, 13, 14 саастаах оҕолору түҥнэри көппүт. Оҕолор эчэйбиттэр.

Госавтоинспекция ардах түһэн, уулуссаларга халтараан буолбутун санатар, сэрэтэр уонна наһаа түргэтээбэккэ, массыыналар икки ардыларыгар наһаа чугаһаабакка, сэрэхтээх буоларга ыҥырар.