Мария Васильева хаартыската, СИА.
Саха сирин Үрдүкү суутун апелляцияҕа кэллиэгийэтэ икки кыра оҕо пневмониялаан өлүүтүгэр буруйдаах төрөппүттэр холуобунай дьыалаларын бириигэбэрин уларыппатаҕын туһунан биэдэмистибэ пресс-сулууспата иһитиннэрэр.
Амма оройуонун олохтоохторун — 43 саастаах дьахтары уонна 49 саастаах эр киһини Дьокуускай куораттааҕы суута оҕолорун сэрэҕэ суохтарыттан өлүүгэ тиэрдибиттэринэн от ыйын 31 күнүгэр буруйдаахтарынан билиммитэ. Кинилэри суут икки сылга күһэлэҥ үлэҕэ болдьохтообута, итиэннэ хамнастарыттан 10 %-ны тутарга бириигэбэрдээбитэ.
Сууттаммыт эр киһи уонна дьахтар 2019 уонна 2020 с.т. оҕолорун кытта Дьокуускайга олорбуттар. 2022 сыл сааһыгар кыргыттар ыалдьыбыттар, онуоха төрөппүттэр мэдиссиинэ көмөтүгэр кэмигэр наадыйбатахтар. Муус устар 26 күнүгэр быстах кэмҥэ олорор дьиэлэрин ылбыттарын бэлиэтээбиттэр. Улахан кыыс күүскэ сөтөллүбүт уонна тыына хаайтарбыт, онно ыал ийэтэ быраастан ананыыта суох эми мээнэ иһэрдибит. Аҕалара хачайдаан утута сатаабыт, ол эрээри кыыс ытаан баран тохтооботох.
Ийэлээх аҕалара итирэн баран утуйбуттар. Кинилэри полиция үлэһиттэрэ уһугуннарбыттар. Полицияны уопсай дьиэ комендана ыҥырбыт эбит. Биллибитинэн, төрөппүттэр утуйа сыттахтарына улахан кыыстара тыына быстыбыт. Кини өлбүт төрүөтүнэн вирустаах бронха пневмонията буолбут.
Сөтөллүбүт уонна тумуулаабыт 2020 с.т. кыра кыыһы ол күн оҕо инфекционнай балыыһатыгар киллэрбитэр. Хомойуох иһин, кини 2022 сыл ыам ыйын 1 күнүгэр эмиэ пневмонияттан олохтон туораабыт.
Суукка бу төрөппүттэр буруйдарын толору билиммиттэр уонна көрдөрүүлэри биэрэртэн аккаастаммыттар. Бириигэбэр сокуоннай күүһүгэр киирбит.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…